.JPG)
بوگون «چهارشنبه» پکتیا ولایتیده یولگه قوییلگن بیر ییغینده، مذکور ولایت نینگ دین عالم‌لریدن اونلرچه‌سی حکومت و طالبان گروهی آره‌سیده آتیش‌کیسین بولیشی‌نی ایسته‌گن‌لر.
دین عالم‌لریگه کوره، حکومت و طالبان گروهی آتیش‌کیسین قیلمه‌گونگه قدر، تینچلیک سوزلشوولری ایجابی نتیجه بیرمه‌یدی.
پکتیا ولایتیده عالم‌لر کینگشی باشلیغی قاری خواجه‌الدین و دین عالم‌لریدن بیری محمدشاه فضلی نینگ ایتیشیچه، تینچلیک سوزلشوولری باشلنگنیده هم اوروش دوام ایتماقده و تینچ اهالی دن قربانلیک آله‌دی.
دین عالم‌لری نینگ ایتیشیچه، 40 ییل‌لیک اوروش تینچ اهالی گه کوپلب قربانلیک ییتکیزگن و اوروش تامانلری تینچ اهالی‌لرنینگ حیاتی گه جدی شکلده دقت قیلیش‌لری کیره‌ک.
.JPG)
پکتیا دین عالم‌لری حکومت و طالبان گروهی آره‌سیده آتیش‌کیسین بولیشی‌نی ایسته‌گن بیرچاغده، ملی بیرلیک حکومت اجراییه باشلیغی عبدالله عبدالله، چیت‌ایللیک میدیالریدن بیری بیلن اوتکزگن صحبتیده حکومت و طالبان گروهی آره‌سیده آتیش‌کیسین بولیشی خصوصیده، آمریکانینگ سعی و حرکت‌لرینی خوش قرشی‌لگن.
جناب عبدالله نینگ ایتیشیچه، افغانستان نینگ حاضرگی قیین‌چیلیک‌لری یکونلنیشی خصوصیده بولگن بیرینچی ییچیم یول سوزلشوولر بولگنی گه ایشانه‌دی.
