ملی کینگش‌نینگ قطار نمایند‌ه‌لری، دولت رسمیلری و زوروان کیشیلر انده–سنده پولیس عسکرلری همده ترافیک پولیسی‌نی کلتک‌لیدیلر. بیر قنچه حربی متخصص‌لر پولیس‌نینگ کوپینچه حربیلری ایچیکی ایشلر وزیرلیگی‌نینگ ناتوانلیگی سبب اهانت بولیب کلتکلنه دیلر دیگنلر.
حربی تحلیلچی کابل‌خان تدبیرنینگ سلام‌وطنارگه ایتیشیچه، کلتک‌لنگن پولیس و منصبدارلرنینگ دوسیه‌سی تیکشیریلمه‌گن لیگی سببی ایچکی ایشلر وزیرلیگی‌نینگ کوچ سیزلیگی یا-ده پولیس حربیلریگه بها بیرمس‌دن کیلیب چیقه‌دی.
جناب تدبیر، ایچکی ایشلر وزیری شخصاً اوزی پولیس و حربی منصبدارلر کلتکله‌نیشی، اهانت و حقارتی‌گه عاید دوسیه‌لرنی جدی تیکشیریب و عامل‌لرینی عالی محکمه‌گه تانیشتیریشی اوستیده تاکید ایتگن.
بو حربی تحلیلچی‌نینگ سوزلریگه کوره، افغانستان جزا قانونیده امنیتی کوچلرنی کلتکله‌گن کیشی 6 آیدن 3 ییل‌گه قدر آزادلیک‌دن محروم ایتیلیشی قید قیلینگن.
اما، مذکور شخص‌لر گروه‌لر همده زوروان کیشی‌لرگه قره‌شلی بولگن لیکلری باعث قانوندن تشقری عمل قیله دیلر.
مدافعه وزیرلیگی‌نینگ سابق عسکری محمدسمیع ستانکزی‌نینگ سوزلریگه کوره، زوروان ینه دولت بنلد مرتبه‌لی رسمیلری طرفی‌دن کلتکلنه دیگن حربی‌لر عقده‌لی شخص‌لر تربیه‌له‌نیب کیله‌جک‌ده ظلم استبدادگه یوز کیلتیره‌دیلر.
جناب استانکیزی، هیچ کیم پولیس عسکرلرینی عمومی مکانلرده کلتکلش حق حقوقی‌گه ایگه ایمس لیگی باره‌سیده اورغوله‌گن.
ایریم پیت‌لرده پولیس نینگ عسکرلری بعضی وقت‌لرده بیر قنچه کیشیلر تامانیدن کلتک‌لنگن لیک‌لرینی ایچکی ایشلر وزیرلیگی هم انکار ایتمه‌گن.
وزیرلیک‌نینگ سوزلاوچی‌سی صدیق صدیقی، هنوزگچه بو توغریده انیق دوسیه قول‌گه کیریلمه‌گن دیدی. اما، بعضاً بونده‌ی حالدثه‌لرگه دوچار کیلگن حالده، مساله جدی تیکشیریلیشی اوچون دوسیه تعقیب ایتیله‌دی دیدی جناب صدیقی.
عین حالده، اوتگن هفته باشی‌ده پولیس‌نینگ 15-حوزه‌سی معاونی و بیر پولیس عسکری جنرال جرآت تن قوریقچیلری آرقه‌لی کلتکله‌نیب یره‌دار ایتیلگن ایدی.
