د ماشومانو ادبیات، د نړۍوالو ادبیاتو مهمه برخه ده؛ خو له هغه تاریخي بدلون سره سم چې نړۍوال ادبیات له شعر نه د کیسو خواته تمایل پیدا کړ؛ د ماشومانو ادبیاتو هم د کیسو خوا ونیوله.
خو په افغانستان کې دا حالت توپیر کوي؛ ځکه د لویانو لهپاره چې د شعر او کیسو په برخه کې څومره کار شوی؛ د ماشومانو ادبیاتو ته نهدی شوی.
په کابل پوهنتون کې د افغانستان د معلوماتو مرکز (ACKU) نن «چهارشنبې» په کابل کې په همدې موخه «د ماشومانو او نویو ځوانانو ادبي داستانونو لومړۍ جشنوارې» په نوم د ماشومانو ادبیاتو جشنواره جوړه کړه.
پهدې جشنوارې کې د پښتو او فارسي ژبو هغه اثار چې د ګډ پلاوي له لوري کتل شوي وو؛ بیا وکتل شول او له ډلې یې ۸ غوره اثار یا د ماشومانو داستانونه د جایزې وړ وګڼل شول.
د دې جایزې د ګټونکي لهپاره ۱۰۰۰ امریکايي ډالره جایزه ټاکل شوېوه.
هغه کتابونه چې پهدې جشنوارې کې یې له لومړي مقامه تر ۸ م هغه ځایونه خپل کړيوو؛ په لاندې ډول دي:
لومړی: «معجزه موسی»، چې زهرا نعیمي په فارسي ژبه لیکلی دی.
دویم: «شهزاده و کتاب سرنوشت»، چې فریدې محبي په فارسي ژبه لیکلی دی.
درېیم: «جلاه در آنسوی راه شیری»، چې سمیعالدین عمار په فارسي ژبه لیکلی دی.
څلورم: «شهریار»، چې رضا پارسا په فارسي ژبه لیکلی دی.
پنځم: «کبی مونوک»، چې محبالله زغم په پښتو ژبه لیکلی دی.
شپږم: «سوله او طبیعت»، چې نعیمې غني په پښتو ژبه لیکلی دی.
اووم: «د پېریانو کلی»، چې ګلرحمان رحماني په پښتو ژبه لیکلی دی.
اتم: «لارښود»، چې عبدالله الهام په پښتو ژبه لیکلی دی.
د افغانستان د معلوماتو مرکز ټول غوره شوي کتابونه په ۴۰۰۰ ټوکه کې چاپ کړيدي.
