د بغلان ولایت په ګذرګاه ولسوالۍ کې ۱۷ کلنه نورجماله د دې له پاره چې لور یې زېږولې وه، د خسرګنۍ د کورنۍ د سختې شکنجې له امله ووژل شوه.
د دې ولایت د ښځو ریاست رییسه جدیجه یقین وايي، چې دغې مېرمنې ۲۰ ورځو مخکې یوه ماشومه نړۍ ته راړې وه او خسرګنې یې په دې همدې "جرم" وژلې ده.
د مېرمن یقین په وینا، د وژل شوې مېرمنې پلار د خپلو لور د شکایت او شنکجې په اړه د ولسوالۍ له چارواکو سره خبرې کړې وې.
نوموړې وايي، چې مسوولو چارواکو دغه موضوع قومي جرګې ته وړاندې کړې وه، خو جرګې بیا دغه مېرمن د هغې خسرګنۍ ته ورسپارلې وه.
د بغلان د ښځو چارو رییسه وايي، د مېرمنې په بدن د سوځېدنې نښې نښانې لیدل کېږي.
د مسوولینو په خبره د وژل شوې مېرمنې خسر نیول شوي او د پلټنو لاندې دی.
