کابل ولایتی قره‌باغ تومنی‌نی ولسوالی محمدآصف صدیقی‌نینگ سلام‌وطندارگه ایتیشیچه، طالبلر اعضالریدن بیری کابل-پروان قتناو یولیده بیر موترنینگ یولاوچیلری اوستیگه اوق آتیب نتیجه‌ده، یولاوچیلردن 2 ته‌سی هلاک ایتیلیب و باشقه 2 ته‌سی یره‌لنگن.
اونینگ ایتیشیچه، طالبان گروهی‌نینگ بو اعضاسی اوشبو موتر یولاوچیلریدن ایکن، بیراق مقصدگه ییتیشگنیدن سونگ موتر یولاوچیلری اوستیگه اوق آتگن.
جناب صدیقی‌نینگ کوپه‌یتیریشیچه، هلاک ایتیلگن‌لردن بیری ملی اردو کوچلریدن و باشقه بیری ایسه مهندس ایکن.
قره‌باغ تومنی‌نینگ ولسوالی گه کوره، هجومچی کیشی بو واقعه‌دن سونگ محلدن قاچیب کیتیش‌گه موفق بولگن.
کابل-پروان قتناو یولی مملکت کته قتناو یول‌لریدن بولیب شمال ولایت‌لرنی باشکنت‌گه باغله‌یدی.
ایکی هفته آلدین هم بویوک‌لر کینگشی اورین باسری‌نینگ موتری انه‌شو قتناو یولده هجوم آستیگه قرار بیریلگن ایدی.
