امنیتی بیر منبع نینگ سلام‌وطندارگه ایتیشیچه، طالبان جنگری‌لری اوتگن کیچه پروان ولایتی نینگ سیاه‌گرد تومنیده محلی اردو ایکی پوسته‌‌سی اوستیگه هجوم قیلگن.
منبع نینگ ایتیشیچه، مذکور پوسته‌لردن بیریده محلی اردو اعضالریدن 7 ته‌سی هلاک و باشقه 2 ته‌سی طالبان قولیگه توشگن.
منبع نینگ کوپه‌یتیریشیچه، طالبان گروهی محلی اردو بیرینچی پوسته‌سینی اوتگه تارتگن، بیراق ایکینچی پوسته‌ده جایلشگن حربی‌لر پوسته‌نی ترک قیلیب کیتگن‌لر.
منبع‌گه کوره، طالبان گروهی اسیر بولگن ایکی کیشی نینگ یاردمی بیلن اوشبو هجوم‌نی اویوشتیرگن.
بیراق، پروان حاکمی سوزلاوچیسی وحیده شهکار نینگ ایتیشیچه، امنیتی کوچلر و طالبان آره‌سیده یوز بیرگن آتیشمه‌ده طالبان گروهی‌گه کوپینچه تلفات ییتیشگن و اوشبو گروه جنگری‌لری هیچ‌بیر پوسته‌نی تصرف قیلمه‌گن.
خانم شهکار، امنیتی کوچلرنینگ تلفاتی خصوصیده صحبت قیلمه‌گن.
