پروان ولایتی‌نینگ بگرام تومنی یشاوچی‌لریدن اونلرچه‌سی، مذکور تومن‌ده تشقی کوچلرنینگ کیچه‌لیک عملیاتی‌گه قرشی ناراضیلیک نمایش اوتکزگن‌لر. اوشبو ناراضیلیک نمایش اوتگن (یک‌شنبه کون)، سابق جهادی قومندانلردن بیری قومندان کمندر آتی‌گه شهرت قازانگن سیدحکیم‌نینگ اویی، کیچه تاماندن تشقی حربی کوچلر آرقه‌لی تیکشیریلگنی‌دن کیین، باشلنگن.
اوشبو ناراضیلیک نمایش‌ده محل یشاوچی‌لری، تشقی کوچلرنینگ اوستیگه تاش‌و آغاچ بیلن هجوم اویوشتیرگن و شونینگ‌دیک تشقی کوچلر، اولرگه تامان اوق آتگن.
سیدحکیم‌نینگ سلام‌وطندارگه ایتیشیچه، اوشبو تیکشیروو دلیلی‌نی بیلمه‌گن، هر بیر حالده تشقی کوچلرگه تیکشیریش اوچون رخصت بیرگن.
اوشبو سابق جهادی قومندان و محل یشاوچی‌لری، بونده‌ی واقعه‌لر تکرارلنیشی‌دن خواطر بیلدیریب، آگاه‌لنتیریشیچه، حکومت تشقی کوچلرنینگ اوزباشیمچه‌لیک عملیات‌لرینی باشقره‌آلمه‌گن صورتده، اولر اوزلری ایش‌گه کیره‌دی.
پروان حاکمی محمدعاصم عاصم، مذکور ولایت‌نی قطار امنیتی رسمی‌لری بیلن بیرگه ناراضچی‌لرنی کوریش اوچون بگرام باریب، تشقی کوچلرنینگ کیچه‌لیک عملیاتی‌دن خبرسیزلیک بیلدیرگن.
پروان حاکمی، تشقی کوچلرنینگ کیچه‌لیک عملیات‌لریدن تنقیدقیلیب آگاه‌لنتیریشیچه، بونده‌ی بیر هجوم‌لر کیله‌جک‌که کوتیم‌سیز نتیجه بیریشی ممکن.
پروان ولایتی‌نینگ بگرام تومنی، مملکت‌ده‌گی کته حربی قونالغه‌لردن بیری او ییرده موجودلیگی باعث، اساسی منطقه‌لردن بیری سنله‌دی. اوشبو حربی قونالغه حاضر امیریکه کوچلری‌نینگ اختیاریده بولگن.
