پروان محلی رسمی‌لری، مذکور ولایت‌ده بیر قیز و اوغیل‌نینگ جسدی تاپیلگنی‌دن خبر بیره‌دی. اولرنینگ ایتیشیچه، مذکور ایکی کیشی‌نینگ جسدلری اوتگن کیچه پروان مرکزی چاریکار شهری‌نینگ یقینیده‌گی قویی خواجه سیاران قیشلاغی‌ده پولیس کوچلری گیزیب یورگن بیر چاغده تاپیلگن.
پروان حاکمی سوزلاوچیسی وحیده شهکارنینگ سلام‌وطندارگه ایتیشیچه، پولیس تیکشیروولری اساسیده، اوشبو قیز و اوغیل سیوگی علاقه‌سی باعث قیزنینگ ایناغه‌سی تامانیدن اولدیریلگن‌لر.
پروان حاکمی سوزلاوچیسی‌گه کوره، قاتل امنیتی کوچلر تامانیدن قولگه آلینگن.
ایتیش کیره‌ک، ایکی کون آلدین هم پروان‌نینگ جبل‌السراج تومنی و خواجه سیاران قیشلاغی‌ده ایکی عیال اولدیریلگن ایدی.
