پروان مُلکی کسلخانه‌سی مسووللری نینگ ایتیشیچه، اولر اختیاریگه قرار تاپگن ارقام‌لرگه کوره، بو ولایتده عیاللرگه قرشی زوره‌وانلیک‌لر کوپیب بارماقده.
پروان ملکی کسلخانه‌سی باشلیغی عبدالقاسم سنگین نینگ سلام‌وطندارگه ایتیشیچه، عیاللرگه قرشی عایله‌وی زوره‌وانلیک‌لر کون اوتیش بیلن کوپیب بارماقده. اونینگ ایتیشیچه، اوشبو کسلخانه‌گه رویخط گه آلینگن ارقام‌لرگه کوره، عیاللرگه قرشی زوره‌وانلیک‌لر 25% کوپه‌یگن.
بیراق، پروان ولایتی بوییچه عیاللر ریاستی باشلیغی شاه‌جان یزدان‌پرست نینگ ایتیشیچه، اوشبو اداره‌گه رویخط گه آلینگن دوسیه‌لرگه قره‌گنده، عیاللرگه قرشی زوره‌وانلیک‌لر رقمی‌گه هیچ‌قندی اوزگریشلیک کیلمه‌گن.
پروان پولیس قومندانی نینگ مطبوعاتی مسوولی سلیم نوری نینگ ایتیشیچه، 1398-ییل باشلنگن‌دن حاضرگه‌قدر عیاللرگه قرشی زوره‌وانلیک 13 واقعه بو اداره‌گه رویخط که آلینگن و تحقیق ایتیلگنی‌دن سونگ، عدلی و قضایی نهادلرگه یوباریلگن.
گرچند هر آی پروان محلی مسووللری حضوری بیلن عیاللرگه قرشی زوره‌وانلیک‌لرگه توسیق بولیش اوچون ییغین یولگه قوییله‌دی؛ بیراق کورینیشیچه مذکور ییغین‌لر عیاللرگه قرشی زوره‌وانلیک‌لرنی کمه‌یتیریش اوچون ایجابی تاثیر قویمه‌گن.
