اهالی اینیقسه شهرده حیات کیچیره‌دیگن‌لرگه برق ترقه‌تیش اولرنینگ اساسی حقوقی و نیازلریدن بیری دیر. اهالی‌نینگ آره‌سیده برق ترقه‌تیلیشی اوچون هر بیر نرسه‌دن فایده‌لنیش دولت‌نینگ مسؤولیتی سنله‌دی. بیراق کورینیشیچه، بو موضوع پروان ولایتیده برشنا شرکتی‌نینگ مسؤوللری و قیشلاقلرنی نماینده‌لری آره‌سیده درآمد منبعی گه اوزگرگن.
عین حالده، ایکی کون آلدین پروان ولایتیده برشنا شرکتی ریاستی‌نینگ مسؤوللری خبری بیر ییغین اوتکزیب ایتیشیچه، برق ترقه‌تیلیشی اوچون منطقه‌ده دستلب هر بیر برق میترینی بهاسی شبکه‌لشتیریله‌دی و بو مبلغ 6 دن 6 مینگ و 3 یوز افغانی گه ییتیشه‌دی، بیراق پروان یشاوچیلری‌نینگ ایتیشیچه، اولر هر بیر پایه میتر اوچون 9 مینگ افغانی پول تول‌له‌یدیلر.
پروان ولایتیده برشنا شرکتی‌نینگ باشلیغی ناصر احمدی گه کوره، برق ترقه‌تیلیشی و فنی خذمت‌لرنی ارایه قیلیش افغانستان برق ریاستی‌نینگ بویروغی اساسیده، عمل‌گه آشیریلیشی کیره‌ک و بو ایش‌لر اوچون برچه خرجت‌لر مشخص و معلوم دیر. جناب احمدی‌نینگ ایتیشیچه، بیر منطقه‌ده هر بیر برق پایه‌سی قوندیریلیشی اوچون برشنا ریاستی 5 مینگ‌دن 15 مینگ افغانی پول صرفله‌یدی. بیراق پروان منطقه‌سیدن ینگی‌لیک‌ده برق آلگن یشاوچیلرنینگ ایتیشیچه، اولر اوچون برق ییتکزیش خذمتی یوق دیر و نیچه کیلومتر ییرنی اوزلری قازیب و پایه قوندیرگن‌لر؛ بو ایش هم قیشلاق نماینده‌لری‌نینگ بویروغی بیلن بولگن.
مثلا: مین برق مشتریلری بیلن صحبت قیلیش اوچون چاریکار شهریده میر علیم شهید دشت‌هوفیان قیشلاغی گه باردیم و او قیشلاقنی یشاوچیلری‌نینگ ایتیشیچه، محلی قوراللی‌لردن بیری احمدشاه نینگ بویروغی و زوره‌وانلیگی نتیجه‌سیده قیشلاقدن تشقری نیچه یوز مترنی قازیب و برق پایه‌لرینی قوندیرگن‌لر.
.jpg)
شونینگدیک، یشاوچیلرنینگ ایتیشیچه، کونده احمدشاه میتر ترقه‌تیش 50 فورم بیلن مسجدگه حاضر بولیب و یشاوچیلرنینگ کیم‌لیک‌لرینی کاپی‌سی و معلوماتی‌نی رویخط‌گه آلیب و هر بیر برق ایسته‌گن کیشی‌دن 9 مینگ افغانی آلگنیدن سونگ، برق میترلرینی ترقه‌ته‌دی.
سلام‌وطندارگه ییتیشگن حجت‌لرده کورینیشیچه، اهالی تامانیدن قازیلیب و برق پایه‌لری قوندیریلگن برچه منطقه اوچون پروان ولایتی‌نینگ برشنا ریاستی تامانیدن پول صرفلنگن. لیکن محل یشاوچیلری‌نینگ ایتیشیچه، اولر بی‌پول بو ایش‌نی قیلگن‌لر و هیچ بیر اداره یا-ده کیشی‌دن پول آلمه‌گن‌لر.
عین حالده، برشنا ریاستی هم منطقه‌ده بولگن تانیقلی کیشی‌لر، زوره‌وانلر و شونینگدیک، قیشلاقلرنی ملک‌لری برق ترقه‌تیش‌نی بهانه قیلیب اهالی‌دن جبری ایش آلیش‌لرینی تَن آله‌دی. پروان ولایتیده برشنا شرکتی باشلیغی ناصر احمدی‌نینگ ایتیشیچه، برق میترینی ترقه‌تیش بدلی‌ده اهالی‌دن ناقانونی شکلده آلینگن مبلغ 9 مینگ افغانی‌دن باشلنه‌دی و ایریم منطقه‌لرده 21 مینگ افغانی گچه ییتیشگن.
سلام‌وطندارگه ییتیشگن حجت‌لرگه کوره، کوپینچه منطقه‌ده برق ییتکزیش بهانه‌سیگه خذمت خرجتی برشنا شرکتی‌دن آلینگن، بیراق ییر قازیش، پایه قوندیریش و برق ترقه‌تیش بی‌پول شکلده اهالی تامانیدن عمل‌گه آشیریلگن. عین حالده، اوشبو موضوعلر آچیقلنگنیدن سونگ، برق میترینی قولگه کیریتیش مخصوص فورم‌لر برشنا ریاستی‌دن قنده‌ی بیر شکلده چیقاریلیب و ترقه‌تیلگنی توغریسیده سوراق توغیله‌دی. بو فورم‌لر نیمه اوچون خاص بیر کیشی «قیشلاق ملکی» یا-ده ناقانونی قوراللی بیر قومندان گه تاپشیریلگنی بیللی ایمس دیر. اوشبو فورم‌لر آرقه‌لی برق میترینی ترقه‌تیش و برق پایه‌لرینی قوندیریش خرجت‌لری توپلنه‌دی.
.jpg)
پروان ولایتیده یوز بیرگن واقعه‌لر آچیقلنگنیدن سونگ، مذکور ولایت‌نی برشنا ریاستی باشلیغی‌نینگ ایتیشیچه، بوندن کیین اولر میتر فورمی‌نی مشتریلر برشنا ریاستی‌ده حاضر بولیب و قانونی باسقیچی‌نی اوتکزگنیدن سونگ، ترقه‌تیش‌گه قرار قیلگن.
بیراق، میتر ترقه‌تیش نامی گه اهالی‌دن پول توپلب و اولردن جبری ایش آلیش‌گه عیب‌لنگن احمدشاه آتلی کیشی‌نینگ ایتیشیچه، برق ترقه‌تیش بهاسی فرقلی دیر، «مین هر بیر کیشی‌دن 6 مینگ‌دن باشلب 9 مینگ افغانی‌گچه پول آلدیم و باشقه بیر قومندان اوز منطقه‌سیده هر میتردن 5 مینگ‌دن باشلب 15 مینگ افغانی گچه پول آله‌دی.»
پروان ولایتیده برشنا ریاستی‌نینگ ایتیشیچه، اوتگن ییل‌لردن باشلب 1397- ییل‌نی کوکلمی گچه برق دن محروم قالگن منطقه‌لردن 15 فایزی گه برق ییتکیزیلگن و جاری ییل اداغیگچه بو رقم 40 فایزگه ییتیشتیریلیشی توغریسیده قرار قیلینگن. اوشبو برق ییتکزیش خرجتی 150 میلیون افغانی گه ییتیشه‌دی. سوراق توغیله‌دی کیم برشنا ریاستی ینه هم میتر ترقه‌تیش فورم‌لرنی ناقانونی قوراللی قومندانلر، آق سقال‌لر و قیشلاقلرنینگ ملک‌لریگه تاپشیریب 3 مینگ‌دن 10 مینگ افغانی‌گچه آرتیقچه پول آلیش باشلنگنده، بونده‌ی فسادنی آلدی قنده‌ی بیر اداره تامانیدن آلینه‌دی؟
