ایچکی ایشلر وزیرلیگی‌نینگ مسوول‌لری سونگی بیر آیده کابل‌ده جنایی جرملر میزانی آشگن دیگن‌لر.
وزیرلیک‌نینگ سوزلاوچی‌سی صدیق صدیقی‌گه کوره، کابل پولیسی کونده 5-10 ته‌گچه جنایی جرملرده قولی بارلیک‌ده عیبلب حبس‌گه آلینه‌دی.
جناب صدیقی، پولیس‌نینگ کته قسمی اوروش چیزیغی‌ده دولت قوراللی مخالف‌لری بیلن اوروش‌ده بندلر دیگن.
پولیس نینگ اصلی وظیفه‌سی بولمیش جنایی جرملر آلدینی آلیش‌گه کمدن – کم ییتیشه دیلر دیدی صدیقی.
شونینگ‌دیک جناب صدیقی، کابل‌ده جنایی جرملر میزانی آشگن لیگی‌نینگ ینه بیر دلیلی امنیتی تهدیدلر کوپیگن لیگی‌دن کیلیب چیقه‌دی دیگن.
او، جنایی جرملرده قولی بولگن کیشی‌لر حبس‌گه آلینیشی اوچون اهالی همکارلیک قیلیشی نی سوره‌گن. خلق منطقه‌لریده قورقینچ تشلاوچی شخص‌لر موجودلیگی حقیده پولیس‌گه تیزلیک بیلن خبر بیرسین‌لر دیدی وزیرلیک سوزلاوچی‌سی.
اما، حربی ایش بیلرمان جنرال عتیق‌الله امرخیل، امنیتی اداره‌لر قونت بیلن نظارت ایتیلمس‌لیگی امنیتی مسوول‌لر عسکرلر بیلن ایکی تامانلمه یانده‌شیشی کابل‌ده جنایی جرملر میزانی آشگن لیگی‌نینگ اساسی عاملی حسابلنه‌دی دیگن.
جناب امرخیل‌نینگ سلام‌وطندارگه ایتیشیچه، کابل پولیس کوچلری‌نینگ کته قسمی ایریم گروه‌لر آرقه‌لی وظیفه‌گه آلینگن‌لر دیگن.
اونگه کوره، بو قبیل حربی‌لر ایش قیلیش اورنیده فقط آیلیک قولگه کیریته‌دیلر.
اوشبو حربی تحلیل‌چی، کابل امنیتی اداره‌لری‌نینگ مسوول‌لری مسوولیت احساس قیلمه‌گن حالده، پایتخت کابل‌نینگ امنیتی وضعیتی یخشی بولمی‌دی دیگن‌لر.
باشقه بیر حربی تحلیل‌چی جنرال زلمی وردک، امنیتی اداره‌لر ایچیده هماهنگ‌لیک یوقلیگی همده اوزیم بولی‌لیک کابل‌نینگ امنیتی بوزیلیشی‌گه باعث بولگن لیگی اوستیده تاکیدله‌گن.
جناب وردک، امنیتی اداره‌لر مسوول‌لری‌نینگ کوپینچه‌سی مصلحت اساسیده ایش‌گه آلینگن‌لر دیدی.
بونده‌ی اظهارات‌لر اخیرگی وقت‌لرده کابل یشاوچی‌لری پایتخت‌ده ناقانونی قوراللی شخص‌لر موجودلیگی توغریسی‌ده تشویش بیلدیرگن بیر پیت‌ده بیلدیریلماقده
