قندهار ولایتی انسان حق و حقوقلری کمیسیونی نینگ مسووللری، پاکستاندن زوردن چیقاریلگن 500 خانه‌دان نینگ وضعیتی یامان ایکن لیگی باره‌سیده خواطر بیلدیرگنلر. بو خانه‌دانلر ولایت نینگ شورابک تومنیده ییرلشگن.
قندهار انسان حقو حقوقلری مستقل کمیسیونی نینگ مطبوعات مسوولی عبدالعزیز اکرامی، مملکت‌گه قیتگن بو عیاله‌لرنینگ حیاتی جوده یامان دیدی. او، حکومت‌دن اوشبو خانه‌دانلرنینگ تیریکچیلیگی اوچون تفاوت سیز قالمسلیگینی سوره‌گن. جناب اکرامی، افغانستانلیک قاچقینلر پاکستاندن زوردن چیقاریلیشی انسان حقوقلرینی آچیقله‌یین آیاغ آستی قیلیش دیگن.
قندهار طبیعی حادثه‌لرگه قرشی کوره‌ش اداره‌نینگ باشلیغی مسعود پشتون، پاکستاندن زوردن چیقاریلگن مذکور خانه‌دانلرگه همکارلیک قیلیش‌گه اولگورگنلر. لیکن، خوفسیزلیک ینه شورابک تومنیده حکومت حاکمیتی بولمه‌گن لیگی باعث یاردم ییتکریب بیره آلمه گنلر.
قندهار والیسی نینگ سوزلاووچیسی صمیم خپلواک، طبیعی آفت‌لرده زیان کورگنلر همده مهاجرت‌دن قیتگن خانه‌دانلر تیگیشلی اداره‌لر آرقه‌لی تیکشیریلگن دن کیین ییش منطقه‌لریگه کومک ییتکزیلیب بیریله‌دیدی.
شورابک تومنیگه ایندی مهاجرت‌دن قیتگنلر احوالی‌نی یقیندن اورگه‌نیش اوچون آلیب بارگن سعی وحرکتلریمیز منطقه‌ده امنیت بولمه‌گن لیگی اوچون نتیجه بیرمه‌دی.
سونگی هفته پاکستان‌ده صادر ایتیلگن خودکش هجومدن کیین رسمی اسلام آباد افغانستانلیک قاچقیلرنی کوپراق باسیم آستی‌گه آلیش‌گه اولگوردی.