پاکستان بیلن هندنینگ دشمن‌لیگی منقطه اقتصادی رواجله‌نیشی یولیده ییریک مشکل حسابلنه‌دی. مذکور ایکی مملکت‌نینگ دشمن‌لیگی منطقه‌یی همکارلیک‌لر تشکیلاتی ایجابی ایشلرینی سوال آسیتگه آلگن. مثال اوله‌راق، سارک یا جنوبی آسیا همکارلیک‌لر تشکیلاتی پاکستان و هند دشمن‌لیگی باعث منطقه‌یی تجارت رواجله‌نیشی اوچون اساسی رول اوینه آلمه‌گن.
افغانستان هم سارککه اعضالیک قیله‌دی. عین حالده، افغانستان اوزینی مرکزی آسیا همده جنوبی آسیانینگ بیر بولیمی بیله‌دی، شبو سبب سارک تشکیلاتی اعضالیگینی تن آلگن. سارک تشکیلاتی‌نینگ منشوریده یازیلیشیچه، اوشبو تشکیلات‌گه اعضامملکت‌لر منطقه‌یی تجارت‌نی رواجلتینریشلری کیره‌ک. اما، پاکستان هند بیلن دشمن‌لیگی باعث بو اصلنی رعایت ایتمیدی.
پاکستان افغانستان‌گه اوز قلمرویدن هند بیلن تجارت قیلیش‌گه رخصت بیرمیدی. ایریم حاللرده پاکستان هند نینگ انسان پرورانه همکارلیک‌لری مملکتی آرقه‌لی افغانستان‌گه ییتکزیلیش‌ده رخصت بیرمیدی. افغانستان «ابتا» کیلیشووینی پاکستان بیلن امضاله‌گن. بو شرطنامه‌گه موافق افغانستان ملی تجارلری‌نینگ کامیون‌لری «واگه» بندری صفر منطقه‌سیگچه باریب اوییردن یوک‌لرنی آرتیب هندگه صادر قیلیش‌گه حقلی. اما پاکستان هندوستان‌ده ایشلب چیقاریلگن تورلرنی واگه بندری یقینی‌ده افغانستان ملی تاجرلریگه یوک‌لشگه اجازه بیرمیدی. بو امر ایسه سارک منشوریگه ضد بیر حکت، لیکن پاکستان بونگه عمل قیلمیدی.
قیزیغی بونده پاکستان ایریم وقت‌لرده اوز احتیاجینی برطرف قیلیش اوچون بعضی تورلرنی هندوستان‌دن کیلتیره‌دی، لیکن هندوستان‌ده ایشلب چیقاریلگن تورلرنی افغانستان‌گه آلیب کیلیش‌گه توسیق یره‌ته‌دی. بیراق انه شو پاکستان حکومتی «ابتا» شرطنامه‌سیده مرکزی آسیا تجارت امتیازینی افغانستان‌دن آلگن. کیلیشوو اساسیده پاکستان کامیون‌لری افغانستان توپراغی‌دن اوتیب تجاری تورلرینی اورته آسیاگه آلیب باره‌دی. اوشبو کامیون‌لر اورته آسیادن یوکله‌نیب قیته‌دن افغانستان آرقه‌لی پاکستانگه باریش‌گه اجازه‌سی بار.
بو ساحه‌ده پاکستان ییریک امتیاز قولگه کیریتیش بیلن افغانستان‌گه هند بیلن تجارت قیلیش‌گه رخصت بیرمیدی. پاکستان نا متعارف یول‌لر بیلن هم افغانستان هند بیلن تجارت قیلیشی اوچون توسیق بوله‌دی. مثال، پاکستانگه اتفاق‌داش ترورچی گروه‌لر نیچه بار نیمروز و چابهار یولیده ایش قیله دیگن هندوستان‌لیک مهندس‌لر اوستیگه هجوم اویوشتیرگن. شونینگ‌دیک پاکستان استخبارات ادارسی چابهار لایحه‌سی ناکام بولیشی اوچون سعی و حرکت قیله‌دی. بو واقعیت‌لرنینگ کورسه‌تیشیچه، پاکستان نینگ هند بیلن بولگن دشمن‌لیگی افغانستان و مرکزی آسیا و ایران اوچون ییریک اقتصادی ضرر سنه‌له‌دی.
عین‌حالده، پاکستان‌نینگ هند بیلن بولگن دشمن‌لیگی پاکستان‌ده هم تجارت وصنعت‌گه سلبی تاثیر قویگن. هند و پاکستان اورته‌سیده‌گی دشمن‌لیک منطقه‌یی لایحه‌لر عمل‌گه آشیریلیشی اوچون کته توسیق بولیب تورگن. کابل‌ده ریکا ییغینی‌ده منطقه دولت‌لری مذکور مملکت‌لر قوشیلیشی اوچون کیلیشگن‌لر.
ییغین‌ده پاکستان ملی خوف‌سیزلیک مصحلتچی‌سی سرتاج عزیز هم قتنشگن. عزیزنینگ ییغین‌ده ایتیشیچه، پاکستان ریکا ییغینی‌ده طرح ایتیلگن لایحه‌لر عملی بولیشی اوچون طرفدار، لیکن، رسمی اسلام آباد هر بیر لایحه اوچون هند رولی‌نی کم رنگ قلیش‌گه حرکت قیله‌دی. هندوستاننینگ اساسی نقشی بولگن لایحه‌لرگه پاکستان هیچ بیر زمان ایجابی رویه قیلمیدی.
ریکاییغنی‌ده اشتراک قیلگن پاکستان و هند هیأت ترکیبی هم کورینیشیچه قیزیق. بو ییغین‌گه پاکستان سرتاج عزیزنی یوبارگن ایدی. ایتلیشیچه، جناب عزیزنینگ نواز شریف آلدیده تشقی ایشلر زویرلیگی‌دن کوره صلاحیتی کوپراق. اما، هندنینگ نماینده‌سی اورین باسرلیک بیر سطح ده ایدی. سونگی کونلرده کابل – اسلام آباد علاقه سُست لشگن‌لیگی‌گه قره‌می هند افغانستان حکومتی پاکستان بیلن علاقه‌سی یخشیلنگنی اوچون ناراض کورینه‌دی. اما ینگی دهلی نینگ ناراضلیگی هنوز اوز جایی‌ده تورگن.
افغانستان هندوستاننینگ تشقی ایشلر وزیری اوشبو ییغین‌ده اشتراک قیلیشنی کوتردی. ریکاییغینی‌گه هند هیأت ترکیبی رسمی کابل هند و پاکستان دن بیری بیلن علاقه‌سی یقین بولیشی ایکی مملکت‌دن بیری‌نینگ ناراضیلی‌گه سبب بولیب نتیجه‌ده دولت وافغانستان خلقی زیان کوره‌دی. هند افغانستان‌گه همکارلیک قیله‌دی، اما پاکستان ترروچی گروه‌لرنی حمایت قیلیش بیلن افغانستان اوچون هند دوست‌لیک هزینه‌سینی آشیریش‌گه حرکت قیله‌دی. هندوستان پاکستان‌ده ترورچی‌لیک عمل صادر ایتلیشی اوچون افغانستان‌ده هیچ بیر فعالیت قیلمه‌گن؛ اما، پاکستان افغانستان‌ده‌گی هند وکالتخانه‌سینی اوزی اوچون بیر تهدید دیب بیله‌دی.
اتم قورال گه ایگه پاکستان و هندوستان نینگ دشمن‌لیگی منطقه‌یی اقتصاد و امنیت تامین ایتلیشی اوچون کته توسیق بولیب تورگن. دنیا جماعه‌چیلیگی، بیرلشگن ملت‌لر تشکیلاتی و دنیانینگ باشقه ییریک قدرت‌لری پاکستان و هند اورته‌سیده ایشانچ توغدیریش اوچون سعی وحرکت قیلیش‌لریگه احتیاج بار. بو ایکی مملکت بیر- بیراوی بیلن یقین بولیشی منطقه‌نینگ کوپ قیین‌چلیکلرینی حل ایتیب منقه خلقی آرزو لریگه ایریشیش و یخشی حیات کیچریش رویابیگه ییته دیلر.
