افغانستان و پاکستان سوزلشوولری تورتینچی ییغینیده پاکستان نماینده‌لری‌نینگ ایتیشیچه، مذکور مملکت افغانستان‌لیک طالب‌لر بیلن اوز توپراغیده اوروشمه‌یدی.
بو ییغینده پاکستان دریایی کوچلری باشلیغی فصیح بخاری، اوشبو مطلب‌نی بیان ایتیب، افغانستان حکومتی‌دن مخالف گروه‌لرنی جلب ایتیش خصوصیده، اساسی لایحه ایجاد ایتیب و قورال‌لی گروه‌لر اوروش‌دن قول تارتیشی و مملکت آبادلیگی‌گه سهم آلیشی‌نی سوره‌گن.
اوشبو ییغین افغانستان استراتیژیکی مطالعه مرکزی تامانیدن، اوتگن (شنبه کون) افغانستان و پاکستان مسئله‌سی خصوصیده، کابل‌ده اوتکزیلدی.
جناب بخاری‌نینگ ایتیشیچه، پاکستان اوز توپراغیده افغانستان‌لیک طالب‌لر بیلن اوروشمه‌یدی، دیمک قورال‌لی گروه‌لر قدرت‌گه سهم آلگن صورتده، پاکستان‌گه دشمن صفتیده قره‌مسلیگی کیره‌ک.
پاکستان دریایی کوچلری باشلیغی‌نینگ ایتیشیچه، هیچ بیر مملکت طالب‌لر نظامی‌نی ایستمه‌یدی و بو بیرقطار مملکت‌لرنینگ کوچسیزلیگی دیر کیم، اوشبو گروه‌لر فعالیتی‌گه زمینه یره‌ته‌دی. اونینگ کوپه‌یتیریشیچه، حاضر ایکی مملکت بیری- بیراویگه قول بیریب کیله‌جک‌نی ایجابی کوریب و هر تامانلمه یخشی علاقه باغلش زمانی ییتیب کیلگن.
بیراق، مملکت ملی امنیت سابق باشلیغی امرالله صالح‌نینگ اوشبو ییغینده ایتیشیچه، افغانستان نامعلوم اوروش‌ده پاکستان‌گه قرشی توخته‌گن. جناب صالح‌نینگ ایتیشیچه، هند، افغانستان آبادلیگی و یوکسه‌لیشی خصوصیده، ایجابی رول اوینه‌گن و پارلمان ینگی بناسی‌دن افغانستان‌ده، مذکور مملکت ایش‌لریدن بیری صفتیده ایسلب کوپه‌یتیریشیچه، پاکستان هم افغانستان برچه ولایت‌لریده ولایتی کینگش‌لر اوچون بنا قوریب افغانستان بیلن یخشی علاقه‌ده بولیش ادعاسینی اثبات‌له‌شی کیره‌ک.
ملی امنیت باشلیغی، پاکستاندن افغانستان قوم‌لری اورته‌سیده نفاق تشله‌یدیگن مملکت صفتیده ایسلب ایتیشیچه، اوشبو مملکت هردایم بو مقصدگه ایریشیش خصوصیده، یوتوققه ایریشمه‌گن.
شونینگ‌دیک، مذکور ییغینده تینچ‌لیک یوکسک کینگشی باشلیغی عبدالحکیم مجاهد، تینچ‌لیک سوزلشوولریده اشتراک ایتیش خصوصیده طالب‌لر تیارلیگی‌دن خبر بیریب ایتیشیچه، طالب‌لر اوتمیش‌لرگه قره‌گنده اوزگرگن و بوندن کیین، یشاوچی‌لر برابریده قتیق شرط قویمه‌یدی.
افغانستان و پاکستان سوزلشوولری تورتینچی ییغینیده، ایکی مملکت ایش بیلرمان‌لری، دولت و پارلمان رسمی‌لری، سیاسی حزب‌لر و مدنی جماعه‌چیلیک مسؤول‌لری اشتراک ایتگن. اوشبو سوزلشوولرنی بیرینچی و اوچینچی دوری اوتگن ییل اسلام‌آباد ده اوتکزیلدی و بو سوزلشوولرینی ایکینچی دوری‌گه بو ییل هرات میزبانلیک قیلدی.
