پاکستان تشقی ایشلر وزیری افغانلیک‌لر ارا سوزلشوولر باشله‌نیشی اوستیگه تأکید قیلگن.
افغانستان تینچلیک لایحه‌سی بوییچه آمریکا تشقی ایشلر وزیرلیگی‌نی خاص نماینده‌سی زلمی خلیلزاد، افغانستان تینچلیگی خصوصیده بولگن آلتی کونلیک سفری دوامیده بوگون پاکستان گه ییتیب باردی.
جناب خلیلزاد، بو سفریده پاکستان تشقی ایشلر وزیری شاه‌محمود قریشی بیلن اوچره‌شگن.
اوشبو اوچره‌شووده پاکستان تشقی ایشلر وزیری، مملکتی افغانستان تینچلیک سوزلشوولری جریانیدن حمایت قیلیشی خصوصیده خبر بیریب و افغانلر ارا سوزلشوولر باشله‌نیشی اوستیگه تأکیدلگن.
جناب خلیلزاد، بوگون پاکستان ییریک حربی‌لری و بند مرتبه‌لی رسمی‌لری بیلن اوچره‌شیشی ممکن.
افغانستان تینچلیک لایحه‌سی بوییچه آمریکا تشقی ایشلر وزیرلیگی‌نی خاص نماینده‌سی زلمی خلیلزاد، قطرده آمریکا و طالبان گروهی نماینده‌لری آره‌سیده یولگه قوییلگن سوزلشوولرنی بیشینچی دوری یکونلنگنیدن نیچه هفته اوتگنیدن سونگ، اوتگن یکشنبه کابل گه کیلیب و تینچلیک جریانی خصوصیده، افغانستان سیاستچی‌لری و رسمی‌لری بیلن صحبت قیلگن.
شو توغریده…
خلیلزاد: طالبان بیلن تینچلیک خصوصیده مذاکره قیله‌دیگن هیأت تولیق بولیشی کیره‌ک
