پاکستان دان کونده‌لیگی نینگ یازیشیچه، اوشبو شخص‌لر کراچی، ملتان، فیصل آباد جهنگ، گوچرانواله و روالپندی شهرلریده دارگه تارتیلگن‌لر. اوتگن ییل دسمابر آییده پاکستان دولتی تامایندن اعدام قیلیش حکمی توخته تیلگن‌دن سونگ، بو مملکت‌ده بیرکونده اینگ کوپ سانده دارگه تارتیلش بولگن.
دان کونده‌لیگی نینگ گزارشیده، پاکستان حکومتی بوگون فیصل و افضل‌نی کراچی تورمه سی، ظفر، اقبال و نذیر نی ملتان مرکزی تورمه سیده دارگه تارتیلیش حکمی‌نی بیرگنی حقیده یازگن.
ظفر، اقبال میلادی 1996- ییل‌ده آلتی یاشر قیزنی اولدیرگن‌لیک عیبی بیلن قماققه آلینگن ایدی. اونی، پاکستان دولتی نهایت‌ده دارگه تارتیلیش حکمی‌نی صادر قیلگن. شونینگ‌دیک فیصل آباد تورمه سیده محمد نواز نامی شخص اوستیدن محکمه حکمی اجرا ایتیلگن.
محمد نوار سوو اوستیده اوروش قیلیب ایکی کیشی‌نی اولدیرگن‌لیگی عیب بیلن اوشلگن ایدی. عین حالده، محمد اقبال گوجرانواله مرکزی تورمه سی، مبشر عباس، محمد شریف و ریاض‌لر جهنگ تورمه سی، ملک محمدندیم زمان و محمد جاوید راولپندی و ظفر اقبال و رب نواز میانوالی مرکزی تورمه سیده دارگه تارتیلگن‌لر.
گزارشلرده، حاضرگی کونده پاکستان پنجاب ایالتی مرکزی تورمه سیدن 6 کیشی حبس‌گه آلینگن. ایتیلیشیچه، اولرنینگ 423 کیشی‌سی نینگ دارگه آسیلیش حکمی صادر قیلینگن. شونینگ‌دیک سند ده 355 کیشی، خیبر پشتونخواه‌ده 183کیشی، بلوچستان‌ده 79 کیشی و باشقه 15 کیشی اوستیدن دار حکمی عملی‌گه آشیریلیشی‌نی کوته دیلر.
باشقه تاماندن، ایریم عاموی اخبارات واسطه‌لری نینگ ایتیشیچه، حاضرگی وقتده پاکستان بویلب 8 مینگ محبوس اوستیدن دار حکمی عملی ایتیلشی کوتیله‌دی. پاکستان دولتی دارگه تارتیلیش حکمی‌نی اساسی قانون‌دن چیقارمه گن.
اوشبو شخص‌لر همه سی پاکستان نینگ پیشاور شهری‌ده‌گی مکتب‌لردن بیریگه هجوم قیلگن‌دن سونگ دارگه تارتیلماقده. انسان حق و حقوقلرینی حمایه قیلووچی اداره‌لر، پاکستان عالی محکمه سیده محکمه جریانی صداقت لی بولمه گن لیگی‌نی بیلدیرگن‌لر.
اوشبو شخص‌لر بیرلشگن ملت‌لر تشکیلاتی پاکستان دولتیدن دارگه تارتیش جریانینی توخته تیش‌نی سوره‌گن بیر چاغده عمل بولماقده
