پاکستان عاموی اخبارات واسطه‌لری‌نینگ گزارش قیلیشیچه، پارتلش بوگون (جمعه) کرم‌ایجنسی‌ده یوز بیرگن. واقعه ده 22 کیشی قربان بولگن و 50 کیشی ایسه تن جراحتی آلگن. حادثه نینگ گواهلری هجوم پاکستان پولیسی گه قرشی عملگه آشیریلگن دیگنلر.
پاکستان ملی اردوسی مطبوعات خذمتی نینگ مسوولی ساجد حسین، خیبرپشتون‌خوا ایالتی‌گه قره‌شلی کرم‌ایجنسی منطقه‌سیده‌گی مارکیت‌ده روی بیرگن دیدی. پاکستانلیک اوشبو رسمی، حادثه پارتلش آرقه‌لی صادر بولگن دیدیلر. لیکن، پارتلش‌دن آلدین منطقه‌ده اوق اوزیش آوازی هم ایشیتیلگن. اونینگ سوزلریگه کوره، یاردمچی کوچلر ساحه گه سفر بَر قیلینگن.
واقعه مسوولیتینی هنوزگچه هیچ کیم ذمه‌سیگه آلمه‌گن.
بوندن نیچه وقت آلدین هم پاره‌چنار بو قبیل واقعه نینگ گواهی بولگن ایدی.
