پاکستان رسمی‌لری‌نینگ ایتیشیچه، بو اولکه ده‌گی افغان قاچقین‌لریگه کیملیک کارت ترقه تیله‌دی.
پاکستان مخابرات اداره سی‌نینگ مسؤولی اسماعیل‌شاه‌گه کوره، تیزلیک‌ده مذکور اولکه ده‌گی افغان قاچقین‌لریدن1.2 میلیون‌گه یقین کیشی‌گه کیملیک کارتی ترقه تیله‌دی.
بوگون پاکستان دیلی‌تایمز کونده‌لیگی پاکستان مخابرات اداره سی‌نینگ مسؤولی‌دن نقل قیلیب یازیشیچه، افغان قاچقین‌لری‌نینگ کیملیگی ثبت بولگن‌دن کیین قول‌لریده‌گی سیم کارت‌لری ایشدن چیقه‌دی.
مذکور کیملیک کارتی بیرلشگن ملت‌لر تشکیلاتی‌نینگ قاچقین‌لر بولیمی‌ده‌گی کمیشنری یاردمی بیلن بوله‌دی.
دیلی‌تایمز یازیشیچه، پاکستان حکومتی برچه افغان قاچقین‌لری‌نینگ کیم‌لیگی‌نی بیلی قیلیش‌گه تصمیم آلگن.
ایران و پاکستان‌ده‌گی افغان قاچقین‌لری وضعیتی یمان‌لیگی باعث حاضرگه قدر حکومت مسؤوللرینی نیچه مرته پارلمان‌گه کیلیشلری‌گه سبب بولگن ایدی.
بوگون سنا مجلسی‌نینگ قاچقین‌لر بولیمی ده‌گی کمیسیونی، قاچقین‌لر وضعیتی خصوصی‌ده سوزلشدیلر و تشقی ایشلر وزیرلیگی بیلن قاچقین‌لر وزیرلیگی‌نینگ مسؤوللرینی چقیریش تصمیمی‌گه کیلیش‌دیلر .
اولکه‌ده ناتینچ‌لیک، قشاقلیک و ایش سیزلیک‌لر سبب بولگن، نه فقط قاچقین‌لرنینگ اولکه گه قیتیش‌گه باشلنمه گن، بلکیم اولکه‌دن چیقیب کیتیش سانیگه آشیب بارماقده.
شو سونگی گزارشلر اساسیده ایران اولکه‌سی هر آیده افغان قاچقین‌لریدن باله و باله‌لیک عیال‌لر قوشیمچه 25 مینگ کیشی‌نی جبری شکلی‌ده چیقاره‌دی.
افغان رسمی‌لری ایران دولتی‌دن قاچقین‌لر اوز خوشلریگه اولکه لریگه کیلگونگه قدر اولکه سیدن جای بیریش‌نی سوره‌گن.
