د کرکټ ۵۰ اوریزه نړیوال جام سیاليو کې پاکستان خپله دویمه لوبه هم ویسټ انیډيز ته وبایلله.
لومړی توپ وهنه ویسټ اینډیز لوبډلې وکړه چې په ۵۰ اورونو کې یې ۳۱۱ منډې هدف وټاکه
د ویسټ اینډیز لومړۍ وکټ په ۱۷ منډو د کرس ګیل وه چې د محمد عرفان په توپ یې کینچ وهاب ریاض ته واچوه.
د ویسټ اینډيز توپ وهونکو د لوبې په پای کې تېزه لوبه وکړه چې په پایله کې یې منډې ۳۱۱ ته لوړې شوې.
د پاکستاني لوبډلې پیل ډير خراب و او په لومړيو ۴ اورونو کې یې ۴ لوبغاړي سوزېدلي و
نن دپاکستان له پاره پېلونکي لوبه ناصر جمشېد ترسره کړله
دپاکستان له لورې عمر اکمل او صهیب مقصود ښه توپ وهنه وکړه
عمر اکمل ۵۹ او مقصود ۵۰ منډې دخپلې لوبډلې له پاره جوړې کړې
شاهد اپری په ۲۸ رنزونو وسوزېد چې دپاکستان هیلې نورې هم نیمګړې شوې
دپاکستان ټوله لوبډله په ۱۶۰ رنزونو وسوزېده چې دا یې په روانو سیاليو کې له هند وروسته دویمه ماتې وه.
