د ولسمشر مرستیال ویاند شاه حسین مرتضوي نن پنجشنبه کابل کې خبري غونډې ته وویل، چې ولسمشر محمد اشرف غني به د مونیخ امنیتي غونډې په موخه المان ته ولاړ شي.
مرتضوي وویل، چې په دې غونډه کې به ولسمشر د ترهګرۍ، پرګواښونو، سخت دريځۍ او بنسټ پالنې خبرې وکړي.
د راپورونو پر بنسټ، په پام کې ده، چې جمهور رییس نن شپه د المان په لور وخوځيږي.
د مرتضوي پرخبره، ولسمشر به د مونیخ غونډې په څنډه کې د امریکا د ولسمشر مرستیال، د المان صدراعظم او نړیوالو جنایي جرمنو پر وړاندې د محکمې له رېیس او یو شمېر نورو چارواکو سره وګوري.
په دغه سفر کې د ولسمشر غني سره د ملي امنیت شورا سلاکار حنیف اتمر، د مالیې وزیر اکلیل حکیمي او د ولسمشرۍ ماڼۍ سلاکار همایون قیومي ملتیا کوي.
د مونیخ امنیتي غونډه هرکال د نړۍ د ګڼو هیوادونو د لوړ پوړو چارواکو په ګډون المان کې جوړيږي، چې پرامنیتي ګوښونو بحث کوي.