حکومت‌نی تنقید آستیگه آلگن نماینده‌لر مجلسی نینگ بعضی بیر اعضالری، حاضرهم 9 وزیرلیک سرپرستلر آرقه‌لی باشقریله‌دی دیگنلر. لیکن، حکومت ایسه بو وزیرلیکلر اوچون ینگی نامزد تانیشتیریش‌گه تدبیر آلمه‌گنی ایتیله‌دی. اولرنینگ سوزلریگه کوره، پارلمان تامانیدن صلاحیتی آلینگن وزیرلرنینگ ایشی دوام ایتیشی اداری فساد و مسوولیت‌سیزلیک‌نی وجودگه کیلتیره‌دی.
نماینده‌لر مجلسی نینگ اعضالری، اوشبو وزیرلیکلرده سرپرست وزیرلرنینگ ایشی دوام ایتیشی اساسی قانون ینه سرپرستلیک قانونی‌گه ضد دیدیلر. اولر، حکومت‌دن اساسی قانونگه حرمت قیلیشی‌نی سورگنلر. شونینگدیک مجلس نینگ اعضالری، ملی بیرلیک حکومتی رهبرلریدن تیزلیک‌ده ینگی نامزدلرنی تانیشتیریش‌نی طلب قیلگنلر.
نماینده‌لر مجلسی نینگ اعضاسی فوزیه کوفی سلام‌وطندارگه بیرگن صحبتی‌ده، مملکت کانلر وزیرلیگی چمه‌سی بیر ییل‌دن بیری سرپرست آرقه‌لی باشقریله‌دی دیگن. لیکن، هنوزگچه هم حکومت اوشبو وزیرلیک اوچون ینگی نامزدنی تانیشتیریش‌گه موفق بولمه‌گن دیدی او.
نماینده‌لر مجلسی نینگ ینه بیر اعضاسی غلام فاروق مجروح، حکومت‌دن ینگی نامزدلر پارلمان اعضالرینی ایشانچ رایینی آلیش اوچون تیز آره ده تانیشتیریلشی لازم دیگن. جناب مجروح، ملی کینگش نینگ قیشگی دَم آلیشدن کیین آچیلیشی مناسبتی بیلن اوتکزیله دیگن ییغین‌گه سرپرست وزیرلریگه کیلیش رخصتی بیریلمه‌یدی دیگن.
اما، جمهور رییس سوزلاووچیسی نینگ اورین باسری دواخان مینه‌پال، ملی مجلس اعضالری تامانیدن صلاحیتی آلینگن ییتی وزیرنینگ تقدیر عالی محکمه تامانیدن معلوم بولیشی‌نی کوته‌میز دیگن.
بوندن بیش آی آلدین افغانستان پارلمانی کابینه نینگ 17وزیرینی ییللیک بودجه‌نی صرفله‌آلمه گنلیگی سبب پارلمانگه چقیریب، اولردن 7 ته‌سینی صلاحیتی‌نی آلگن ایدی.
نماینده‌لر مجلسی نینگ بو قراریگه مخالفت بیلدیرگن حکومت، بو توغریده افغانستان عالی محکمه‌سی نینگ فکری اورگه‌نیلیشی‌نی کیره‌ک دیگندی.
مملکت عالی محکمه‌سی، صلاحیتی آلینگن وزیرلر تقدیرینی معلوم قیلمه‌گونگه قدر مذکوروزیرلیک‌لر سرپرستلر آرقه‌لی ایشی‌گه دوام بیره‌دی.
