ساغلیقنی سقلش وزیرلیگی رسمیلری نینگ ایتیشیچه، مملکت بویلب اوچ کون هییت ده 47 ترافیکی واقعه یوز بیرگن و بو واقعهلر نتیجهسیده 2 کیشی هلاک و باشقه 432 کیشی یرهلنگن.
سلاموطندارگه صحبت بیرگن ساغلیقنی سقلش وزیرلیگی کوتیلمهگن حادثهلر باشلیغی میرلیس مصطفی نینگ ایتیشیچه، هر ییل خودکش و پارتلش هجوملرگه نسبتن ترافیکی واقعهلر اهالی دن کوپلب قربانلیک آلهدی.
بیراق، بیریلگن رقملر اساسیده، یالغیز هرات ده اوچ کون هییت جریانیده اونلرچه ترافیکی واقعه رویخط گه آلینگن و بو واقعهلر نتیجهسیده بیر کیشی هلاک و باشقه 239 کیشی یرهلنگن.
هرات حوزهیی کسلخانهسی باش طبیبی عارف جلالی نینگ ایتیشیچه، هییت کونلریده یوز بیرگن ترافیکی واقعهلرنی یرهدارلریدن 90 فایزی ایرککلر، 8 فایزی عیاللر و 2 فایزی بالهلر دیر.
شونینگدیک، سلاموطندارگه صحبت بیرگن قندهار ولایتی بوییچه ساغلیقنی سقلش ریاست باشلیغی عبدالقیوم پخلانینگ ایتیشیچه، مذکور ولایتده هییت کونلریده یوز بیرگن ترافیکی واقعهلر نتیجهسیده 2 کیشی هلاک و باشقه 174 کیشی یرهلنگن. جناب پخلاگه کوره، اوشبو واقعه یرهدارلریدن 59 تهسی باله و باشقه 15 تهسی عیال دیر.
مملکت جادهلریده ترافیکی واقعهلر یوز بیریشی ینگی بیر موضوع ایمس دیر، بیراق هییت و نوروز کبی خاص کونلرده اهالی دن کوپلب قربانلیک آلهدی.
ترافیکی واقعهلرنی اصلی عامللری تیز هیدهش، ترافیکی قاعدهلر نظرگه آلینمهسی و جادهلر تارلیگی دییلهدی.