هندوستان و پاکستان آره‌سیده‌گی اوروش هند هوایی کوچلری پاکستان توپراغی گه هجوم قیلگن‌لریدن سونگ شدتلندی. ینگی اوروشلر جریانیده پاکستان حربی کوچلری هندوستان‌نینگ ایکی جنگری تیک‌اوچرینی توشیریب آلدی و هند هم بو واقعه مقابلی‌ده پاکستان‌نینگ جنگری تیک‌اوچرلریدن بیرینی نابود قیلگن.
سیاسی ایش بیلرمانلردن بیرقطاری‌نینگ ایتیشیچه، قوشنی مملکت‌لرنینگ آره‌سیده قره‌مه قرشی‌لیک شدتلنگن صورتده، افغانستانده سیاسی قره‌مه قرشی‌لیک‌لر و نیابتی اوروشلر شدتلنیشی گه سبب بوله‌دی.
سیاسی ایش بیلرمان جعفر مهدوی‌نینگ ایتیشیچه، افغانستان حکومتی بو قره‌مه قرشی‌لیک‌لردن زیان کورمس‌نی ایسته‌گن حالده، طرفسیز قالیشی کیره‌ک.
سیاسی ایش بیلرمانلردن باشقه بیری احمد سعیدی‌نینگ ایتیشیچه، پاکستان، هندوستان‌نینگ منفعت‌لریگه زیان ییتکزیش مقصدی بیلن افغانستانده خودکش و پارتلش هجوملرگه قول اوروشی ممکن. اونگه کوره، افغانستان بو قره‌مه قرشی‌لیک‌لردن جدی شکلده زیان کوره‌دی.
شو توغریده…
هندوستان‌نینگ تیک اوچرلری پاکستان‌نینگ توپراغی‌نی بمبارد قیلگن
هندوستان‌نینگ ایکی تیک‌اوچری پاکستان تامانیدن توشیریلدی
عین حالده، سیاسی ایش بیلرمانلرنینگ اورغولشیچه، هندوستان و پاکستان آره‌سیده‌گی قره‌مه قرشی‌لیک‌لر توخته‌تیله‌دی و هیچ قچان یوزمه یوز اوروش گه اوزگرمه‌یدی.
اوتگن کون اروپا بیرلشمه‌سی و چین حکومتی هندوستان و پاکستاندن خویشتن‌دارلیک‌دن فایده‌لنیش‌لرینی سوره‌گن.
هندوستان نظارتی‌ده بولگن کشمیرنینگ بیر بولیمی‌ده خودکش هجوم یوز بیریب و مذکور مملکت‌نینگ حربی‌لریدن اونلرچه‌سی هلاک ایتیلگنیدن سونگ، اوتگن کون هند هوایی کوچلری پاکستان‌نینگ توپراغی‌نی بمبارد قیلدی و بو موضوع ایکی مملکت آره‌سیده‌گی قره‌مه قرشی‌لیک شدتلنیشی گه سبب بولدی.
