بیرینچی بار هند ناگرانلر ملی کریکت تیمی افغانستان ناگرانلر ملی کریکت تیمی بیلن ایکّی تامانلمه مسابقه اوتکزیش اوچون کابل‌گه کیله‌دی.
افغانستان کریکت بورد اداره‌سی‌نینگ سوزلاووچی‌سی فرید هوتک‌نینگ سلام‌وطندارگه ایتیشیچه، 20 آوره اوشبو مسابقه جاری آی (جولای) نینگ پایانی‌ده کابل‌نینگ الکوزی سپورت میدانی‌ده اوتکزیله‌دی.
کریکت بورد تامانیدن اخبارات واسطه‌لریگه یوباریلگن خبرنامه‌ده، مملکت ناگرانلر ملی کریکت تیمی‌گه اویینچی‌لر تنلش اوچون دست‌لبکی مسابقه اوتگن کون (یک‌شبنه) مملکت‌‍نینگ 5 زون تیمی اورته‌سیده باشلنگنی یازیلگن. خبرنامه‌ده مذکور تنلش مسابقه 6 کون دوام ایته‌دی دییلگن.
کریکت بورد خبرنامه‌سیده مملکت 5 زونی نینگ 5 تیمی‌دن تنلنه دیگن‌لردن بیری ملی تیم‌گه یول تاپیشی کوتیلیشی یازیلگن.
اوشبو دست‌لبکی مسابقه‌نینگ بیرینچی کونی‌ده سپین غر و بند امیر همد مس عینک و زون آمو اوچرهشیب کیلگوسی باسقیچگه یول تاپگنلر.
