هلمند ولایتیده جایلشگن 215 میوند قول اردو قومندانلیگی تامانیدن ترقه‌تیلگن خبرنامه‌ده یازیلیشیچه، جمعه‌دن شنبه گه اوتر کیچه هلمند ولایتی نینگ سنگین تومنیده حربی کوچلری نینگ ایکینچی پیاده لواسی گه تیگیشلی کوچلرنینگ قرارگاهی طالبان گروهی نینگ هجومی گه دوچ کیلگن.
خبرنامه اساسیده، خنجر آتلی قرارگاه اوستیگه اویوشتیریلگن هجوم‌ده حربی کوچلردن 10 ته‌سی جان بیرگن و باشقه 4 ته‌سی یره‌لنگن.
خبرنامه‌ده کوپه‌یتیریلیشیچه، هجوم اویوشتیریلگن چاغده، قرارگاه ده 18 حربی عسکر بار ایکن و اولردن 4 ته‌سی گه زیان ییتمه‌گن.
طالبان گروهی تامانیدن ترقه‌تیلگن خبرنامه‌ده ادعا قیلینیشیچه، بو هجوم ده دولتی کوچلردن 26 ته‌سی هلاک ایتیلگن، بیراق هلمند ولایتیده جایلشگن 215 میوند قول اردو قومندانلیگی نینگ مسؤوللری، طالبان نینگ بو ادعاسینی رد قیلگن.
