هلمند ولایتی‌نینگ دولت بلند مرتبه‌لی رسمیلری، اوشبو ولایت‌ده ییریک حربی تازه‌لش عملیات اوتکزیلیشی باره‌سیده خبر بیرگن‌لر. ولایت والیسی‌نینگ سوزلاووچی‌سی عمر زواک، مذکور حربی تازه‌لش عملیات‌ده مخصوص هوا کوچلری اشتراک قیلیشی ممکن دیگن.
ایتیلیشیچه، افغانستان جمهور رییسی محمداشرف غنی، ملی مدافعه وزیرلیگی سرپرستی معصوم استانکزی و مملکت ایچکی ایشلر وزیری نورالحق علومی‌لر رهبرلیگی‌ده اوچ مینگ حربی عسکر عملیات اوتکزیلیشی اوچون تیار تورگن.
هنوزگچه اوشبو عملیات قچان باشله‌نیشی وقتی انیق ایمس.
ولایت والیسی‌نینگ سوزلاووچی‌سی، هلمند ولایتی لشکرگاه شهری‌نینگ تورتینچی حوزه‌سی‌گه قره‌شلی باباجی منطقه‌سیده ایکی هفته دن بیری قوراللی طالب‌لر تامانیدن تصرف ایتیلگن بیر چاغده اوشبو عملیات اوتکزلیشی باره‌سیده خبر بیرگن.
عین حالده، ولایت خوف‌سیزلیک رسمیلری، مذکور حوزه‌نینگ ایریم منطقه‌لری قوراللی طالب‌لر اشغالیدن آزاد ایتیلگن دیگن‌لر.
زواک، اوروش جریانی‌ده قوراللی طالب‌لرگه آغیر تلفات ییتگن‌لیگینی معلوم قیلگن. قوراللی طالب‌لر تلفاتی باره‌سیده انیق معلومات بیرمه‌گن زواک، لیکن اوروش‌ده افغان ملی کوچ‌لرنینگ 15 حربی سی هلاک ایتیلگن لیگی‌نی تصدیق له‌گن.
شونینگ‌دیک منطقه یشاووچی‌لری، اوروش جریانی‌ده اهالی‌نینگ یشش اویلری‌گه زیان ییتگن‌لیگینی ایتیب، اهالی قوشنی ولایت‌لرگه باش پنه ایزله‌نلر.
عین حالده، بوندن نیچه کون آلدین هلمند ولایت والی‌سی میرزاخان رحیمی، ولایت‌نینگ امنیتی وضعیتی تیزلیک یخشی له‌نیشی‌نی بیلدیرگن ایدی. شونینگ‌دیک حکومت اجراییه باشلیغی داکتر عبدالله عبدالله هم ولایت خوف‌سیزلیک وضعیتی یامان له‌شیشی اوچون اوز خواطرینی بیلدیریب، رسمی‌لردن اوشبو ولایت امنیتی اوچون جدی اعتبار قره‌تیش لرنی سوره‌گن ایدی.
