هلمند حاکمی‌نی سوزلاوچیسی عمر زواک نینگ ایتیشیچه، اوشبو ولایت نینگ قطار تومن‌لریده طالبان گروهی باله‌لرنی ایملش دستوری تطبیق ایتیلیشی‌گه توسیق بولیب و بو توغریده فعالیت قیلیش اوچون ساغلیق‌نی سقلش ریاستی‌نینگ ایشلاوچی‌لریگه رخصت بیرمه‌گن.
نوزاد، موساقلعه، کجکی، واشیر، سنگین و باغران تومن‌لری شمالی تومن‌لر جمله‌سیدن دیر. زواک نینگ کوپه‌یتیریشیچه، حکومت کنترولی‌گه بولگن منطقه‌لرده باله‌لرنی ایملش دستوری تطبیق ایتیلگن.
هلمند حاکمی‌نی سوزلاوچیسی‌گه کوره، قوم بویوک‌لر و مذکور تومن‌لر یشاوچی‌لرنینگ همکارلیگی بیلن بو قیین‌چیلیک‌نی حل قیلیش اوچون سعی و حرکت قیله‌دیلر.
هلمند ولایتی بوییچه ساغلیق‌نی سقلش ریاستی‌نی باشلیغی عبدالاحد حازم نینگ ایتیشیچه، باله‌لرنی ایملش دستوری‌گه توسیق ایتیلگنی خصوصیده اولرگه رسمی معلومات کیلمه‌گن؛ بیراق هلمند شمالی تومن‌لریده بو اداره ایشلاوچی‌لریگه فعالیت قیلیش اوچون رخصت بیریلمه‌گن.
هلمند یشاوچی‌لریدن بیرقطاری، باله‌لرنی ایملش دستوری تطبیق ایتیلمه‌گنی‌دن خواطر بیلدیریب و حکومت‌دن بو قیین‌چیلیک‌نی حل قیلیشی‌نی سوره‌گنلر.
هلمند یشاوچی‌لری، اوروش تامان‌لریدن باله‌لرنی ایملش دستوری تطبیق ایتیلیشی‌گه توسیق بولمه‌یش‌لرینی سوره‌گنلر.
طالبان گروهی حاضرگه‌قدر بو توغریده فکر بیلدرمهگن.
اوتگن میلادی ییلده هلمندی بوییچه 4 ایجابی ناگران‌لیک واقعه رویخط گه آلینگنی‌دن گزارش بیریلگن بیر چاغده، طالبان گروهی باله‌لرنی ایملش دستوری تطبیق ایتیلیشی‌گه توسیق بولگن.