هرات ولایتی کانلر ریاستی نینگ رسمیلری، اوتگن ایکّی ییلگه قرهگنده ولایت کانلر ادارهسی نینگ درآمدی سیزیلرلی درجهده کمیگن دیگنلر. کانلر ادارهسی آمدی کمیگنلیگی نینگ بیرینچی سببی مرمر تاش بازارگه کیلتیریلمسلیگیده دییلگن.
هرات کانلر ریاستی نینگ باشلیغی عبدالجلیل الیاس بوگون (دوشنبه) خبری بیر اولتیریشده، نیچه ییل آلدین مرمر تاش هرات ولایتی آرقهلی تشقی مملکتلرگه یوباریلیب، تازه لنگندن کیین پاکستان و ایران نامیدن دنیا بازارلریگه ساتیلردی دیگن. اما، جمهور رییس غنی هراتگه قیلگن سفریده خام مرمرتاش صادر قیلینشینی منع قیلیب، مرمر تاش هرات شهریده تازهلنیشینی وعده بیرگن ایدی. لیکن جمهور رییس نینگ بو وعدهسی عملی بولمهگن.
شونینگدیک جناب الیاس، جوزا آییگه قدر ولایتده پالایش ایتیلگن مرمر تاشلر افغانستان نامیدن چیت ایلگه صادر قیلینهدی دیگن. ایتیلیشیچه، ولایتده زمانوی اوسکونه ینه لابراتور بولمهگنلیگی باعث ولایتدهگی ایریم کانلرگه هنوزگچه قول اوریلمی قالگن.
هرات ولایتی والیسینینگ سوزلاووچیسی جیلانی فرهاد، کانلر وزیرلیگی نینگ لایحهسی عملی بولیش اوچون محلی اداره تیارگرلیک کورماقده لیگینی تیلگه آلگن.
هرات کانلر ادارهسی نینگ معلوماتیگه قرهگنده، بو ریاستنینگ درآمدی 1393- ییلده 106- میلیون 751 مینگ و 448 افغانیگه ییتگن. اما، اوشبو اداره نینگ درآمدی 1394 و 1395- ییل 46 میلیون 402مینگ افغانیگه ییتگن. بو رقم ایسه 50% درآمد کمیگن لیگینی کورستهدی.