هرات ولایتی‌ده آلتی آیدن سونگ بیر یاش قیزنینگ جسدی سوو قودوقدن تاپیلدی. هرات پولیس اداره‌سی نینگ سوزلاووچی‌سی عبدالرؤوف احمدی‌نینگ سلام‌وطندارگه ایتیشیچه، 21 یاشر مذکور قیز بوندن آلتی آی آلدین «محله عرب‌ها» منطقه سیده اولدیریلگن.
جناب احمدی‌گه کوره، مذکور قیز اولدیریلگن‌دن کیین سوو قودغی‌گه تشلگن، اونینگ جسدی اوتگن کون کیچ قرون‌ده قودوقدن چیقاریلگن. واقعه عامل‌لری باره سیده سوزلشگن احمدی‌گه کوره، حادثه‌ده قولی بارلیگی انیق لنگن اوچ کیشی‌دن بیرته‌سی قولگه آلینگن.
حادثه‌نی تصدیق‌له گن هرات حوزه‌یی ساغلیق‌نی سقلش اداره‌سی نینگ سرپرستی ملکه پیغام نینگ سوزلری‌گه کوره، اوشبو جسد حدن کوپ اورته‌دن کیتگنی اوچون تانیش قیین بولگن. ایتیلیشیچه، بو جسد طبی کوریک‌دن اوتکزیلیش‌گه یوباریلگن.
شونینگ‌دیک مذکور قیز دستلب کورس استادی مدیری آرقه‌لی جنسی تجازو ایتیلیب، کیین اولدیریلیب جسدی اوشبو کورس ده‌گی سوو قودوغی‌گه تشلنگن. افغانستان‌نینگ باشقه ولایت‌لریگه قره‌گنده هرات ولایتی‌ده عیال‌لرگه قرشی یوز بیره‌دیگن زوروان‌لیک میزانی کوزگه کورینرلی درجه‌ده آشگنی ایتیله‌دی.
