.jpg)
هرات ولایتی ساغلیک رسمی‌لری‌نینگ ایتیشیچه، اوتگن 24 ساعت‌ده بیر قیزنینگ باشی کیسیلیب و باشقه بیر قیز خودکش‌لیک قیلگن.
هرات ولایتی حوزه‌وی کسلخانه عمومی مدیری محمدرفیق شیرزی‌نینگ سلام‌وطندارگه ایتیشیچه، بیر 20 یاشر قیزنینگ جسدی هرات شهری پشتون‌پل منطقه‌سیدن، مذکور ولایت حوزه‌وی کسلخانه‌سیگه انتقال بیریلگن.
جناب شیرزی‌نینگ ایتیشیچه، مذکور باشی کیسیلگن قیزنینگ بوینیگه بوغیلگن نشانه‌سی کورینه‌دی.
شیرزی‌نینگ ایتیشیچه، اولگن قیزنینگ کیم‌لیگی حاضرگه‌قدر معلوم بولمه‌گن.
.jpg)
شونینگ‌دیک، هرات حوزه‌وی کسلخانه عمومی مدیری‌نینگ ایتیشیچه، باشقه بیر واقعه‌ده، هرات شهری‌نینگ گلستان خیابانی‌ده اوتگن کیچه نجیبه ناملی بیر 18 یاشر قیز اوزینی آسیب اولدیرگن.
شیرزی‌گه کوره، اوشبو واقعه دلیلی، عایله‌وی قیین‌چیلیک بولگن.
بیراق، مذکور ولایت امنیه قومندانلیگی‌نینگ سوزلاوچیسی عبدالرؤوف احمدی، مذکور ایکی واقعه‌دن خبرسیزلیک بیلدیریب ایتیشیچه، حاضرگچه بو توغریده هیچ بیر گزارش قولگه کیریتمه‌گن.
جاری هفته جریانیده، بو اوچینچی مرته کیم، مذکور ولایت‌ده عیال‌لر ایری شکلده قربان بوله‌دیلر.
جاری هفته شنبه‌کون، مذکور ولایت‌نینگ گذره تومنی‌ده بیر عیال اوزینی آسیب اولدیرگن.
