هرات محلی مسؤوللری نینگ ایتیش‌لریچه، طالبان نینگ جنگریلری شیندند و ادرسکن تومن‌لریده مدافعه و خوفسیزلیک کوچلری تامانیدن یولگه قوییلگن عملیات‌لر نتیجه‌سیده هلاک ایتیلگن.
هرات حاکمی سوزلاوچیسی جیلانی فرهادنینگ سلام‌وطندارگه ایتیشیچه، شیندند تومنی نینگ خواجه نوح، رباط رود و ده میرزا قیشلاقلریده پنجشنبه کون ایرته‌لب مدافعه و خوفسیزلیک کوچلری عملیات باشله‌گن و بوگون جمعه آقشام گچه دوام ایتگن.
جناب فرهادگه کوره، بو عملیات ده طالبان گروهی نینگ ایکی قومندانی شامل 14 جنگریسی هلاک ایتیلگن.
عین دمده، هرات ولایتی نینگ پولیس قومندانلیگی نی سوزلاوچیسی عبدالاحد ولی‌زاده نینگ ایتیشیچه، ادرسکن تومنیده مدافعه و خوفسیزلیک کوچلری نینگ قوشمه عملیاتی نتیجه‌سیده 4 جنگری طالب هلاک و باشقه 3 ته‌سی یره‌لنگن.
هرات ولایتیده خوفسیزلیک رسمی‌لری نینگ ایتیش‌لریچه، بو عملیات‌لرده طالبان گروهی نینگ نیچه میل حربی جهازی و بیر مقدار مهماتی خوفسیزلیک کوچلری نینگ قولی گه توشگن.
بیراق، طالبان گروهی حاضرگچه بو توغریده هیچ نرسه دیمه‌گن.
