هرات شهری اوتگن تورت کونده تورت تکرارسیز تروریستی هجوم گه گواه بولگن.
اوشبو واقعه‌لرده کمیده 6 پولیس، سیلاو شکایت‌لرینی تینگلش کمیسیونی نینگ ولایتی دفترینی بیر ایشلاوچیسی هلاک و باشقه 4 پولیس و 6 تینچ اهالی شامل 10 کیشی یره‌لنگن.
شونده‌ی بیرحالده، اوتگن کیچه قوراللی کیشی‌لر هرات ولایتی نینگ انجیل تومنیده جایلشگن 10- خوفسیزلیک حوزه‌سی گه هجوم قیلگن و بو هجوم ده ایکی هجومچی و 3 پولیس هلاک ایتیلگن و عین دمده، هرات شهری نینگ 7- ناحیه‌سیده جایلشگن بیر کافه ایچیده یوز بیرگن پارتلش‌ده 4 کیشی یره‌لنگن.
هرات شهریده تروریستی واقعه‌لر کوپه‌یگنی مذکور ولایت یشاوچیلری، ولایتی کینگش اعضالری و مدنی فعاللرینی جدی شکلده خواطرگه سالگن.
شونینگدیک، هرات ولایت کینگشی اعضاسی عبدالرحیم صالحی، امنیتی اداره‌لرنینگ کوچسیزلیگی‌دن تنقید قیلیب ایتیشیچه، امنیتی مسؤوللرنینگ کوچسیزلیگی باعث، اوتگن اوچ کون جریانیده چمه‌سی 20 حربی هلاک ایتیلیب و یره‌لنگن.
هرات حاکمی نینگ اورین باسری داوود هاشمی، سونگی نیچه کونده تروریستی هجوملر کوپه‌یگنینی تصدیقلب ایتیشیچه، عصیانچیلر خوفسیزلیک کوچلری بیلن یوزمه یوز اوروشه آلمه‌گنی باعث، تروریستی هجوملرگه قول اوریشگن.
هرات پولیس قومندانلیگی سوزلاوچیسی عبدالاحد ولی‌زاده نینگ ایتیشیچه، خوفسیزلیک و کشفی کوچلری سونگی تروریستی واقعه‌لرنینگ عامل‌لرینی تانیب و قولگه آلیش اوچون سعی و حرکت قیلماقده.
هرات مملکت نینگ تینچ ولایت‌لریدن بیری سنله‌دی، بیراق نیچه وقت‌دن بویان قوراللی عصیانچیلر بو ولایت نینگ ایریم تومن‌لریده عصیانچیلیک فعالیت‌لریگه قول اوریشیب و بو ولایت یشاوچیلرینی خواطرگه سالگن.
شو توغریده…
هرات ولایتی نینگ اوبه تومنیده بیر مهمان تامانیدن 5 محلی پولیس اولدیریلگن
