هرات ولایتی محلی رسمی‌لری و بیرقطار یاش‌لری سلما سوو سقلش توغانی قوریلیشی اوچون هندنینگ صادقانه یاردم‌لری اوچون مذکور مملکت بیره‌قینی یوز متر توزه‌تیب، اوشبو مملکت‌نی هرات ده‌گی وکالت خانه‌سیگه ساوغه بیرگن‌لر.
هرات والی‌سی محمدآصف رحیمی نینگ ایتیشیچه، افغانستان خلقی انسان سیور دیر کوچی ییتگونگه قدر هند بیلن بولگن دوست‌لیک‌لرینی سقله‌یدی.
هرات والی‌سی منطقه مملکت‌لریدن هند کبی افغانستان‌گه یاردم کورسته دیگن مملکت‌نی یالغیز قویمس‌لیک‌لرینی بیلدیرگن.
سلما سوو سقلش توغانی یکونلنگنی‌دن بویان، بو تورتینچی مرته هرات یشاوچی‌لری ایریم یول‌لر بیلن مذکور توغان و هندنینگ صادقانه یاردم‌لرینی قدرله‌یدی.
هرات یشاوچی‌لری، مذکور ولایت‌ده هند باش قنسولی آمیت کومار میشراگه سوزبیریب ایتیشیچه، کابل و ینگی دهلی علاقه‌سی مستحکم قاله‌دی.
هند باش قنسولی، سلما توغانی افغانستان رسمی‌لری تامانیدن هند و افغانستان دوست‌لیک توغانی ناملنگن و میلادی 2016- ییل اورته‌سیده برق ترقه‌تیلیشی اوشبو توغان‌دن باشلنه‌دی دیگن.
اونینگ کوپه‌یتیریشیچه، سلما سوو سقلش توغانی یکونلنیشی خصوصیده، اولرنینگ سعی و حرکتی دوام ایتیب و هند مملکتی، افغانستان‌دن هردایم حمایت ایته‌دی.
عین حالده، هرات ولایتی کینگش نماینده‌سی عظیم کبرزانی‌نینگ ایتیشیچه، هند یاردم‌لری خلق‌نی کیله‌جک‌که امیدوار قیله‌دی. او مذکور مملکت‌دن افغانستان‌گه آرتیقچه یاردم بیریشینی سوره‌دی.
سلما سوو سقلش توغانی کمیده بیر ییل دوام تارته‌دی و هرات محلی رسمی‌لریگه کوره، توغان سوو سقلشی یکونلنگنی‌دن کیین، سلما توغانی نینگ برق ایشلب چیقاریش باسقیچی باشلنه‌دی.
سلما توغانی هرات‌ده‌گی ییر لایحه‌لردن بیریب بولیب، اونی قوریلیشی ناتینچ‌لیک‌لر سبب، نیچه ییل دوام تارتدی. اوشبو توغان سوو سقله‌شی کمیده 3 هفته آلدین باشلنگن.
