هرات محلی رسمیلری حادثه اوتگن کیچه کُهسان تومنی‌نینگ بنیاد قیشلاقیده روی بیرگن دیگن.
ولایت سوزلاوچیسی جیلانی فرهادنینگ سلام‌وطندارگه ایتیشیچه، کُهسان تومنی‌نینگ یشاوچیلری بو ایرکک و عیالنی علاقه‌دارلیک عیبی‌ده آتیب اولدیرگنلر.
جناب فرهاد، حادثه عامللرینی توتیش اوچون محلگه پولیس کوچلری یوباریلگن دیگن.
هرات والیسی‌نینگ سوزلاوچیسی حاضرگه قدر بو اولدیریلگنلر ارا علاقه‌دارلیک بولگن- بولمه گنلیگی باره‌سیده انیق معلومات قولده ایمس، اما پولیس بو باره‌ده اوز تیرگاوینی باشله‌گن دیدی.
باشقه تاماندن بادغیس امنیتی رسمیلری هم ولایتده بیر ۱۴ یاشر قیز و ۱۸ یاشر بیر ییگیت اولدیریلگنیدن خبر بیرگن.
رسمیلرگه کوره، حادثه اوتگن کون ولایت مرکزی قلعه نو شعری‌نینگ عمله‌ها قیشلاقیده روی بیرگن.
بادغیس امنیه قومندان‌لیگی‌نینگ امنیت آمری غلام‌سرور حیدری‌نینگ ایتیشیچه، بو قیز و ییگیت کندلان خلیفه‌لری منقطه‌سیده که حاضر اوشبو منطقه طالبلر تصرفیده ایکن قیزگینه‌نینگ آته‌سی عبدالناصر تامانیدن اویدن قاچیش عیبی‌ده آتیب اولدیریلگن.
بادغیس پولیسی‌نینگ امنیت آمری، اولگن قیزنینگ آته‌سی حادثه‌دن سونگ قولیده‌گی قورالی بیلن طالبلرگه قوشیلگن، اما پولیس اونی قولگه آلیش باره‌سیده تلاش قیله‌دی دیگن.
