بوگون «پنج‌شنبه» هرات ولایتیده اونلرچه فعال عیال، مدنی فعاللر و قطار دین عالم‌لری، نمایشی محکمه یولگه قوییب، تخار ولایتیده 22 یاشر ثریا ناملی عیال صحرایی محکمه بولگنینی قاره‌لگن‌لر.
اولرنینگ ایتیشیچه، صحرایی محکمه قانون و دین گه جایز ایمس دیر. اوشبو نمایش اشتراکچی‌لری، حکومت‌دن عیاللرگه قرشی زوره‌وانلیک عامل‌لرینی قولگه آلیشینی سوره‌گن‌لر.
نمایشچی‌لر بیر شرطنامه نشر قیلیب حکومت‌دن عیاللرگه قرشی یوز بیرگن زوره‌وانلیک‌لردن قولی اوتمه‌سینی طلب قیلگن‌لر.
نیچه کون آلدین، تخار ولایتیده قطار کیشی‌لر، 22 یاشر ثریا ناملی بیر عیال‌نینگ صحرایی محکمه قیلیب و اونینگ اولیم‌گه یقین کلتک‌لگن‌لر. اوشبو صحرایی محکمه ویدیوسی اجتماعی ترماقلرده قولمه قول بولیب و کوپینچه عکس‌العمل‌لرگه سبب بولدی.
بو واقعه دولت نظارتی‌ده بولگن تخار ولایتی‌نینگ چاه‌آب تومنی روباط همدین قیشلاغیده یوز بیرگن.
