قندوز ولایتی‌نینگ دشت‌ارچی تومنی دفتانی قیشلاغی‌ده کمیده 20 کون آلدین، بیر مسجد اوستیگه اویوشتیریلگن هوایی هجوم توغریسیده، جمهور رئیس غنی عذر سوره‌دی.
بوگون «چهارشنبه» قندوز واقعه‌سیده قربان بولگن‌لرنینگ عایله اعضالری و بویوک‌لری بیلن اوچره‌شگن جمهور رئیس غنی، اولردن عذر سوره‌گنیدن سونگ ایتیشیچه: «فتنه‌چیلر و قانونی حکومت آره‌سیده بولگن فرق شو دیر کیم، قانونی حکومت ملت حقی دن بولگن خطا اوچون عذر سوره‌یدی.
جمهور رئیس نینگ کوپه‌یتیریشیچه، حکومت دفتانی مسجدیگه ییتیشگن زیان نی جبران قیلیشی گه قوشیمچه، شهیدلرنینگ نامی گه منار و زیان کورگن منطقه اهالیسی اوچون جامع مسجد قوریب بیره‌دی.
جناب غنی نینگ ایتیشیچه، اوروشنی قاعده سی بار، بیراق جنگری طالب‌لر هیچ قنده ی قاعده نی تَن آلمه یدی و مسجدلر و عمومی ییرلرگه هجوم قیلیش دن وازکیچمه‌یدیلر.
کمیده 20 کون آلدین، قندوز ولایتی‌نینگ دشت‌ارچی تومنی دفتانی قیشلاغی‌ده بیر مسجد اوستیگه اویوشتیریلگن هوایی هجوم نتیجه‌سیده 100 دن آرتیق کیشی هلاک و باشقه چمه‌سی 200 کیشی یره‌لنگن ایدی.
قندوز خوفسیزلیک قومندانی حمیدالله حمیدی نینگ ایتیشیچه، هلاک ایتیلگن لرگه عیاللر و باله لر هم شامل بولگن. بیراق، طالبان گروهی سوزلاوچیسی ذبیح الله مجاهد بیر خبرنامه ده ایتیشیچه، اوشبو هوایی هجوم دشت‌ارچی تومنی‌نینگ دفتانی بازاریده اویوشتیریلگن.
اونگه کوره، اشبو بمبارد دن مقصد هاشمیه دارالعلومی بولگن؛ مذکور مدرسه ده دینی ییغین یولگه قوییلگن ایدی. طالبان گروهی سوزلاوچیسی نینگ ایتیشیچه، بو هجوم ده چمه سی 150 تینچ اهالی هلاک ایتیلیب و یره لنگن.
