افغانستان بوییچه ناتو تشکیلاتی نینگ ملکی ایلچیسی نیکولاس کی، ناتو تشکیلاتی مرکزیده ناتو باشلیغی باشلیغی ینس ستولتنبرگ و مذکور تشکیلات بیرلشیک‌لری نماینده‌لری بیلن اوچره‌شگن چاغیده ایتیشیچه، افغانستان تأریخی بیر لحظه‌ده قرار تاپگن و 40 ییل آتیشمه‌دن کیین تینچلیک فرصتی حقیقی و کوچلی بوله‌دی.
جناب کی گه کوره، افغان امنیتی و مدافعه کوچلری ناتو آرقه‌لی تعلیم کورگن و حاضر اوروش میدانیده دیر. اهالی ایسته‌گی بولگن نرسه تینچلیک دییله‌دی.
طالبان گروهی گه خطاب ناتو تشکیلاتی ملکی ایلچیسی نینگ ایتیشیچه، بیزلر طالبان گروهی دن تیزلیک‌که اوروش یکونلنیشی اوچون افغانستان اهالیسی و دولتی بیلن افغانلر ارا بیر مذاکره اوتکزیلیشی گه حاضر بولیشینی ایسته‌یمیز.
جناب کی نینگ ایتیشیچه، تینچلیک و زوروانلیک‌لر کمه‌ییشی افغانستان اهالیسی نینگ ایسته‌گی دیر و طالبان گروهی افغانستان اهالیسی نینگ ایسته‌گی گه حرمت قیلیشی کیره‌ک.
شونینگدیک، ناتو تشکیلاتی ملکی ایلچیسی نینگ ایتیشیچه، ناتو تشکیلاتی و بیرلشیک‌لری دایمی تینچلیک تأمین‌لنیشی خصوصیده افغانستان اهالیسی و دولتی گه یقیندن همکارلیک قیله‌دی.
