بوگون «دوشنبه» قندهارده دولت رسمی‌لری و قوم بویوک‌لری بیلن اوچره‌شگن افغانستان بوییچه ناتو کوچلری عمومی قومندانی جنرال جان نیکلسون‌نینگ ایتیشیچه، حاضر طالب‌لر هم تینچلیک ایسته‌یدی؛ بیراق حقیقی تینچلیک‌که ایریشیش اوچون طالب‌لرگه قرشی سیاسی و حربی باسقین‌لر کوپه‌یتیریله‌دی.
نیکلسون، ملی خوفسیزلیک عمومی باشلیغی معصوم استانکزی، ایچکی ایشلر وزیری ویس احمد برمک، امریکا، کانادا، هند، دنمارک و استرالیا مملکت‌لری‌نینگ ایلچی‌لری بیلن بیرگه قندهار کیلگن‌لر.
نیکلسون‌نینگ ایتیشیچه، افغانستان حکومتی‌نینگ تکلیفی قوراللی طالب‌لر اوچون بیر فرصت دیر. اونگه کوره، طالب‌لرگه قرشی باسقین‌لر دوام ایته‌دی و شونینگ‌دیک، سیاسی باسقین‌لردن مقصد، طالب‌لرنی مذاکره میزی اوستیگه تارتیش اوچون پاکستان‌نی قانیقتیریش دیر.
افغانستان بوییچه ناتو کوچلری‌نینگ عمومی قومندانی، قندهار ولایتیده تینچلیک باشله‌نیشی توغریسیده مذکور ولایت دین عالم‌لری و یشاوچیلری‌نینگ ایستک‌لرینی تَن آلدی. چونکه قندهار دین عالم‌لری و یشاوچیلریگه کوره، قوراللی طالب‌لرنینگ ییریک ملازم‌لریدن کوپینچه‌سی اوشبو ولایتده دیر.
شونینگ‌دیک، ایچکی ایشلر وزیری ویس احمد برمک، مملکت‌‌ده جاری تینچلیک لایحه‌سینی اونملی بیلیب کوپه‌یتیریشیچه، اوشبو وزیرلیک سیلاولر اوچون تیارگرلیک آلگن و ولایت‌لرده نیاز بولگن صورتده، پولیس تشکیلاتی کوپه‌یتیریله‌دی.
اوشبو موضوع توغریسیده قندهارگه کیلگن ملی خوفسیزلیک عمومی ریاستی باشلیغی معصوم استانکزی‌نینگ ایتیشیچه، افغانستان دوشمن‌لرنینگ دسیه‌سیگه دوچ کیلگن. اونگه کوره، تنیق سیلاو یولگه قوییلیشی اوچون یشاوچیلر رویخط‌گه آلینیب و آواز بیریب مسؤولیت‌لرینی عمل‌گه آشیریش‌لری کیره‌ک.
شونینگ‌دیک، اوشبو ییغینده قندهار حاکمی، معارف قیین‌چیلیک‌لری و باشقه قیین‌چیلیک‌لردن ایسلب کوپه‌یتیریشیچه، سیلاولر یولگه قوییلیشی اوچون بوتونله‌ی تیارگرلیک آلینگن. اونگه کوره، تینچلیک لایحه‌سی چقانله‌شی و تینچلیک‌که ایریشیش قندهار اهالیسی‌نینگ آرزویی دیر.
