گزارش‌لرده افغان ملی کوچلری فاریاب ولایتی‌نینگ قیصار و پشتونکوت ولسوال‌لیک‌لری همده تخار ولایتی‌نینگ خواجه ولسواللیک‌لریده قورال‌لی طالبلر بیلن اوروش‌ده ایکن‌لیک‌لری ایتیله‌دی.
فاریاب ولایتی پشتونکوت ولسوال‌لیگی‌نینگ ولسوالی عبدالقدیر قادری سلام وطندار بیلن تیلفونی سوزله‌شیب، قورال‌لی طالب‌لرنینگ بیر گروهی اوتگن کیچه‌دن بویان ولسوال‌لیک‌نینگ «حلواخوارن» و «میش مست» قیشلاق‌لری‌گه هجوم قیلگن‌لیگی‌نی ایتگن.
جناب قادری‌گه کوره، نیچه ساعت آلیب باریلگن اوروش‌دن سونگ مذکور قیشلاق‌لرده نیچه پوسته جنگریلر تامانیدن تصرف ایتیلگن.
پشتونکوت ولسوالی، اوروش‌ده محلی پولیس‌نینگ بیر قوماندانی هلاک بولگن و قطار ملی کوچلری المار ولسوال‌لی‌گه آرتگه چیکینگن‌لر دیگن. اونگه کوره، قورال‌لی طالب‌لرگه هم تلفات ییتکزیلگن. اما جنگری‌لرنینگ تلفات سانی انیق ایمس.
بو توغریده تشویش بیلدیرگن جناب قادری حکومت وضعیت اوچون بی فرق قالگن حالده، ولسوالیک‌نینگ کوپیچلیک قسمی عصیانچی‌لر ارقه‌لی تصرف ایتیله‌دی دیگن.
شونینگ‌دیک قیصار ولسوال‌لیگی‌نینگ ولسوالی عبدالجمیل صدیقی، قیصارنینگ ایریم قیشلاق‌لریده ملی کوچلری بیلن جنگریلر اورته‌سیده اوروش جریانی بارلیگی‌نی ایتگن.
اونگه کوره، قورال‌لی طالبلر ولسوال‌لیک‌نینگ باشقه بیش قیشلاغی‌گه هجوم قیلیش نیتده لر. ولسوال، هنوزگچه 300 عایله اوز یشش بنالریدن آواره بولگن لیگینی ایتگن.
ایتیلیشیچه، حاضر تخار ولایتی خواجه غار ولسوال‌لیگی‌نینگ دارالعلوم منطقه‌سیده هم جنگریلر بیلن ملی کوچلر اورته‌سیده قتیق اوروش جریانی بار.
تخار پولیس قوماندان‌لیگی‌نینگ سوزلاووچیسی خلیل اسیرگه کوره، بوگون ایرتلب یوزلب طالب خواجه غار ولسوال‌لیگی‌گه هجوم قیلگن‌لر. ایتیشیچه، بیش قیشلاق جنگریلر طرفیدن اشغال ایتیلگن.
ایتیلیشیچه، دارالعلوم‌ده ملی کوچلر بیلن جنگریلر اورته‌سیده اوروش دوامی بار.
جنگ‌ده ملی پولیس نینگ ایکی عسکری یره‌لنگن و طالب‌لرگه هم تلفات ییتکزیلگینی ایتیله‌دی. اولگن‌لر باره‌سیده انیق معلومات قول‌د‌‌ه ایمس.
طالبلر تامنی هنوزگچه بو حقده بیرار نرسه دیمه‌گن.
باشقه بیر خبرگه کوره، بغلان ولایتی‌ده قورال‌لی طالبلر تامانیدن آتیلگن راکت نتیجه‌سیده بلاغت یاشی‌گه ییتمه‌گن اوچ گودک هلاک بولیب، باشقه اون آلتی نفر یره‌لنگن.
حادثه‌ده یره‌لنگن لر ولایت سوزلاووچیسی جاوید بشارت تامانیدن تصدیق‌لنگن.
عین‌حالده، مرکزی بغلان شفاخانه‌سی‌نینگ رییسی محمد انور وردک، حادثه ییردن تن جراحتی آلگن 16 نفر آلیب کیلینگن لیگینی ایتگن.
