نیمروزده آلیش‌وبیریش ایران تومانی بیلن بوله‌دی
افغانستان جنوب غربی‌ده جایلشگن نیمروز ولایتی ایران بیلن چیگره‌داش بولگن و بو ولایت نینگ یشاوچیلری کوپ ییل‌لردن بویان سوداگرلیک آلیش‌وبیریش‌لریده افغانی پول اورنی گه ایران تومانیدن فایده‌لنه‌دیلر.
بیراق، ایران تومانی نینگ بهاسی تکرارسیز شکلده کمه‌یگنی، مذکور یشاوچیلری نینگ ایش و کوچلری اوستیگه سلبی تأثیر قویگن.
نیمروز یشاوچیلریدن بیرقطاری نینگ ایتیشیچه، بو ولایتده سوداگرلیک آلیشوبیریشلری کوپلب ایران تومانی گه بوله‌دی.
اولرگه کوره، ایران تومانی نیمروز یشاوچیلری نینگ کیم‌لیگی نی بیر قسمی بولگن و حکومت ایران تومانی اورنی گه افغانی پولنی رواجلنتیریشی کیره‌ک.
نیمروز یشاوچیلری نینگ کوپه‌یتیریشیچه، تومان بهاسی کمه‌یگنی باعث، بو ولایتده سوداگرلیک توارلرنی بهاسی آشگن و یشاوچیلر ییگولیک ماده ساتیب آله آلمه‌یدیلر.
نیمروز ولایتیده صرافلر بیرلیگی باشلیغی رحمت‌الله مصمم، اوشبو ولایت یشاوچیلری آلیش‌وبیریشلرینی ایران تومانی بیلن قیلیش‌لریدن خواطر بیلدیریب ایتیشیچه، ایران تومانی اورنی گه افغانی پول رواجلنیشی اوچون حکومت و اهالی سعی و حرکت قیلیشی کیره‌ک.
شونینگدیک، نیمروز حاکمی اورین باسری محمدنبی براهوی، مذکور ولایت یشاوچیلری نینگ آلیشوبیریشلری ایران تومانی بیلن بولیشینی تصدیقلب ایتیشیچه، محلی اداره ایران تومانی اورنی گه افغانی رواجلنیشی اوچون کوپلب سعی و حرکت قیلگن، لیکن بو قیین‌چیلیک حاضرگه‌قدر حل ایتیلمه‌گن.
نیمروز محلی اداره‌سی، بو قیین‌چیلیک‌دن چیقیش اوچون اهالی دن حکومت گه همکارلیک قیلیش‌لرینی سوره‌گن.
