نی، یا افغانستان آزاد اخبارات واسطه‌لرینی حمایت قیلوچی اداره مسوول‌لری، وارسا ییغینی‌ده ناتو باشلیغلری‌نینگ افغانستانگه بیره دیگن وعده‌لری شرطلی بولیب و افغانستان حکومتی هم بوتشکلات همکارلیگی برابریده پیش شرطلرنی عملی قیلیش‌گه وعده بیریشی کیره‌ک دیگن‌لر.
وارسا مجلسی شمالی اتلانتیک تشکیلاتی (ناتو)گه اعضا مملکت‌لرنینگ رهبری اشتراکیده اوتکزیله‌دی. تشکیلا‌ت‌نینگ اعضالری جولای آیی نینگ سکیزینچی – توقیزینچی سیده پولندده اوتکزیلیشی ریجه لنتیریلگن مجلس‌ده افغانستان‌ده خلق ارا کیسکین ماموریت موضوعی‌نی محاکمه قیله‌دیلر.
افغانستان‌نینگ امنیت کینگشی مصلحتچیسی محمد حنیف اتمرگه کوره افغانستان هیئتی مذکور ییغین‌ده کمیده آلتی ته تکلیف بیلن باره دی. 2020 – ییل‌گه قدر افغانستان امنیتی کوچلری اوچون هرییل بیش میلیارد دالر یاردم طرزیده توله نیلیشی، مملکت هوا کوچلرینی زمانوی حربی اوچاق‌لر و تخنیک امکانلر بیلن جهازلنتیریش، افغان کوچلرینی حربی تیارگرلیک‌دن اوتکزیش، و شونینگ‌دیک مملکت قوراللی کوچلرینی زمانوی قورال – اسلحه‌لر بیلن تامینلش کبی موضوع لر وارسا ییغینی‌ده آلغه سوریله‌دیگن تکلیف‌لر جمله‌سی‌دن عبارت ایکنی ایتیله‌دی.
حنیف اتمر اوشبو تکلیف‌لر ناتو گه اعضا دولت‌لر تامانیدن قبول ایتیلیشی‌گه امیدوار. گرچند ناتو اینیقسه امریکا تامانی هلی گچه هم هر ییلی افغانستان حربی کوچلری اوچون بیر ییل‌ده تخمیناً بیش میلیارد دالر تولب کیلماقده‌لر.
نی تشکیلاتی‌نینگ باشلیغی صدیق‌ا‌لله توحیدی بوگون (سه‌شنبه) خبری بیر انجمن‌ده قیلگن چیقیش‌ده، ناتو اعضالریدن افغانستان حکومتی‌گه بولگن همکارلیک‌لرینی معلوماتلرگه قول تاپیش، خصوصی و آزاد اخبارات واسطه‌لریدن حمایت قیلیش، سوز ایرکین لیگی دستکله‌ش، سیلاولر تیزمیه گه اصلاحات کیریتیش، پارلمانی سیلاولر اوتکزیلیشی و اداری فسادگه قرشی کوره‌ش‌ده حکومت همکارلیگینی آلیشنی سوره‌گن.
شونینگ‌دیک نی اداره‌سی‌نینگ رسمیلری، ناتوگه اعضا مملکت‌لردن افغانستان حکومتی‌گه بولگن همکارلیک‌لری برابریده خبرچی‌لرگه قرشی یوز بیرگن زوروانلیک‌لر دوسیه‌سی تیکشیریلیشی و اخبارات واسطه‌لرینی مالی و معنوی حمایت قلیش‌گه کوندیریش‌نی طلب قیلگن‌لر.
