نورستان پولیس کوچلریدن بیرقطاری، معاشلری توللنمهگنیدن خواطر بیلدیریب ایتیشیچه، جاری قویاش ییل باشلنگنیدن بویان آیلیک معاشلرینی قولگه کیریتمهگنلر و بو موضوع اولرنی کوپینچه قیینچیلیککه روپهره قیلگن.
اوشبو امنیتی کوچلردن بیرقطاری آتی فاش ایتیلیشینی ایستمهی سلاموطندارگه ایتیشیچه، اولرنینگ اعاشهلری اوتگن ییل جدی آییدن بویان کمهیگن و ایریم کونلرده اولر اویدن آوقت آلیب کیلهدیلر.
اولرگه کوره، مذکور ولایتنینگ پولیس کوچلری ایلگریدن یایومتریک بولگنلر؛ بیراق معاش بیرهدیگن مسؤوللر بودجه یوقلیگی و بایومتریک بولینمهگنینی بهانه قیلهدی.
اولرنینگ ایتیشیچه، وضعیت شوندهی بیر شکلده دوام قیلگن صورتده، مذکور ولایتنینگ پولیس کوچلری همکارلیککه دوام بیره آلمهیدی.
بیراق، نورستان پولیس قومندانی سیدعباس سادات نینگ ایتیشیچه، مذکور ولایتنینگ پولیس کوچلرینی معاشی بایومتریک اوچون آرتده قالگن و بایومتریک یکونلنگنیدن سونگ، اولرنینگ معاشی تیزلیکده توللنهدی.
نورستان پولیس کوچلری بوندن آلدین هم اعاشهلری تیزلیکده ییتیشمهگنیدن شکایت قیلگن ایدیلر؛ بیراق اولرنینگ ایستکلریگه اونچهلیک دقت قیلینمهگن.