ننگرهار قوم یاش اولوغلری بیر ییغین اوتکزیب حکومتدن بو ولایتده ملیشه توزهتیش آلدی آلینیشی بارهسیده تاکید قیلدیلر.
بو قوم اولوغلرینینگ ایتیشلریچه، ننگرهار اچین و شینوار تومنلریدهگی داعشگه قرشی امنیتی کوچلر ناکام قالگن و باید دولت عصیانچی گروهلرنی نابود قیلیش نیتیده یوکسک عملیاتلرنی اوتکزسه.
بوگون یوزلرچه کیشی شینوار و خوگیانی قوم یاش اولوغلریدن امنیتی کوچلرنینگ شینوار تومنیده ناکام قالگنلیکلری اوچون ییغین اوتکزیب انتقاد قیلدیلر.
اولر کینگش بیرینچی اورین باسری ظاهر قدیرنینگ سونگی سوزلریگه قرشیلیک بیلدیریب ولایتدهگی ناتینچلیکلرگه قرشی باید حکومت اوروشسه دیگنلر.
خوگیانی تومنی یاش اولوغلریدن امان خیری نینگ ایتیشیچه: «بیز ملیشه توزهلیشینی ایسته میمیز و اونی قبول هم قیلمیمیز».
دوشنبه کونی پارلمان بیرینچی اورین باسری اولکه امنیتی کینگشی بوتون امنیتی رسمیلر داعش گروهیدن حمایت قیلهدیلر دیگن ایدی. شونینگدیک جناب قدیر داعش ایریک رسمیلری پایتختده حیات کیچیرهدی و قوم یاش اولوغلری و دولت رسمیلری بیلن اوچره شوو اوتکزهدیلر دیگن ایدی.
اما افغانستان امنیتی نهادلر رسمیلری اونینگ بوسوزلرینی مسؤولیتسیز بیلهدیلر
شونینگدیک محل یشاوچیلری هم اچیندهگی امنیتی کوچلر عملیاتی ناکام قالگن و بو کوچلر اوتمیش ایکی آیده بیر کیلومتر هم دشمن تمان سیلجیمهگن دیدیلر.
اما ننگرهار ولایتی کینگشی داعشگه قرشی اوتکزیله دیگن اوروش موفق دیب تاکتیکی اوروشلیگینی بیلدیرهدیلر.
باشقه بیرتاماندن ننگرهار ولایتی کینگش منشیسی ذبیحالله زمری نینگ ایتیشیچه، شو حاضرده ایچکی قرمه قرشیلیکلرنی چیتگه سوریب باید داعشگه قرشی کورهشیش اوچون حکومت حمایت بولسه.
ایتیلیشیچه، ایکی کون آلدین ظاهر قدیرگه باغلیک کیشیلر اچین تومنیده باریب اوزلریگه پوسته توزهتیشنی باشله گنلر.
باشقه بیر تاماندن، بوگونکی پارلمان اولتیریشیده نمایندهلردن کوپیسی جناب قدیرنی تنقیدلب، اوندن ایستهدیلر تا بونقه سوزلری بیلن اهالینی الیلتمه سینلر.
اما کینگش بیرینچی اورین باسری سونگی ایتگن سوزلریگه تاکید قیلیب ایتیشیچه، اونگه جمهور رییس ایکی مینگ محلی عسکر توزهتیش رخصتینی بیرماقچی ایکن؛ ولی سوزیگه ایگه چیقمهگن.
