ننگرهار محلی مسئوللری نینگ ایتیشلریچه، بوگون (چهارشنبه 13- قوس) ایرته‌لب ساعت 8 اطرافیده «جاپان تینچلیگی نی ساغلیک خدمتی» آتی‌ده جاپان‌لیک یاردم بیروچی بیر نهادنینگ ایشلاوچی‌لرینی موتری جلال‌آباد شهری نینگ بیرینچی ناحیه‌سیده قوراللی هجوم گه دوچ کیلدی.
ننگرهار حاکمی سوزلاوچیسی عطاالله خوگیانی نینگ ایتیشیچه، مذکور حادثه‌ده جاپان‌لیک یاردم بیروچی نهاد باشلیغی دکتر ناکامورا، بو نهادنینگ 5 افغانستان‌لیک ایشلاوچیسی بیلن جان بیرگن.
ننگرهار محلی مسئوللری گه کوره، اوشبو نهاد باشلیغی دکتر ناکامورا تن‌جراحتی کوتارگن ایکن، بیراق کسلخانه‌ده جان بیرگن.
حادثه سببی حاضرگچه انیق‌لنمه‌گن و مذکور هجوم مسئولیتی نی حاضرگچه بیرار گروه یا-ده شخص بوینیگه آلمه‌گن.
جاپان یشاوچیسی بولگن ناکامورا 2003- ییل‌دن بویان ننگرهار ولایتی نینگ کامه، کوزکنر، درۀ نور و بهسود تومن‌لریده اونلرچه میلیون افغانی خره‌جت بیلن تورلی ایکینچلیک و سوولنتیریش پروژه‌لرنی عمل گه آشیرگن.
افغانستان حکومتی ناکامورا نینگ مذکور خدمتلری باعث اونگه افغانستان افتخاری یشاوچیلیگی نی بیرگن ایدی.
