ننگرهار ولایتی رسمی‌لری‌نینگ سلام‌وطندارگه ایتیشیچه، مذکور ولایت‌نینگ اچین تومنی‌ده داعش گروهی 7 کیشی‌نینگ باشینی کیسگن. مذکور رسمی‌لرگه کوره، بو کیشی‌لردن 6 ته‌سی جنگری طالب و باشقه بیری حربی عسکر بولگن.
حکومت رسمی‌لریدن بیری آتی فاش ایتیلیشی‌نی ایستمه‌ی سلام‌وطندارگه ایتیشیچه، بو واقعه (18- جدی جمعه کون) کیچ قورون، داعش گروهی نظارتی‌ده‌گی منطقه‌ده خلق حضوریده یوزبیرگن.
منبع‌نینگ کوپه‌یتیریشیچه، امیریکه تیک اوچرلری طالب جنگری‌لری و حربی عسکر باشی کیسیله‌یاتگن چاغیده منطقه‌نی بمبارد قیلگن و نتیجه‌ده داعش جنگری‌لریدن 17 کیشی هلاک بولگن.
طالب جنگری‌لری‌نینگ باشی شونده‌ی حالده کیسیله‌دی کیم، اوشبو گروه سونگی نیچه کونده قتیق توقنه‌شوولردن کیین، اچین تومنی‌نینگ ایریم قسمت‌لرینی داعش گروهی نظارتی‌دن چیقارگن ایدی.
