ننگرهارنینگ جلال‌آباد شهرینی بیرینچی ناحیه‌سیده‌گی نورعمر مارکیتی‌ده برق شارت قیلیشی باعث، یوز بیرگن یانغین مذکور مارکیت دکاندارلریگه میلیونلرچه افغانی زیان ییتکیزگن.
اوشبو یانغین‌ده نورعمر مارکیتی‌نی بِناسی بوتونله‌ی اوتگه یانگن.
مارکیت دکاندارلریدن بیرقطاری‌نینگ ادعا قیلیشیچه، بو یانغین‌ده اولر میلیونلرچه افغانی زیان کورگن‌لر.
شونینگدیک، ننگرهار حاکمی سوزلاوچیسی عطاالله خوگیانی‌نینگ ایتیشیچه، نورعمر مارکیتی‌ده یوز بیرگن یانغین نتیجه‌سیده، مارکیت دکاندارلریگه میلیونلرچه افغانی زیان ییتیشگن.
اونگه کوره، بو یانغین ساعت 10 گچه دوام ایتگن و زیان یوقاری بولگنی‌گه قره‌گنده، مارکیت بِناسی معیاری بولمه‌گن و یانغین اوچیرووچی امکانیت کم بولگن.
اونینگ کوپه‌یتیریشیچه، بو واقعه تیکشیریلیشی اوچون هیأت تعیین ایتیلگن و زیان کورگن‌لرگه مالی یاردم بیریلیشی گه قرار قیلینگن.
افغانستانده یوز بیرگن واقعه‌لرنی کوپینچه‌سیگه قره‌گنده، برق معیاری شکلده تقسیم ایتیلمه‌گنی، مارکیت‌لرنی بِناسی معیاری بولمه‌گنی و یانغین اوچیرووچی ریاست ایشلاوچی‌لری تیزلیک‌که واقعه محلی گه ییتیشمه‌گنی باعث، یوز بیرگن یانغین‌لرده زیان میزانی یوقاری کیته‌دی.
