ننگرهار ولایتی محلی رسمی‌لری‌نینگ ایتیشیچه، مذکور ولایت‌نینگ بهسود تومنیده بیر کیشی، سلام آتلی ابه‌سی‌نینگ اویی‌گه هجوم قیلیب و بو عایله‌نینگ 6 اعضاسی‌نی اولدیرگن.
ننگرهار امنیه قومندانلیگی سوزلاوچیسی حضرت حسین مشرقی‌وال اوشبو واقعه‌نی تصدیق‌لب ایتیشیچه، بو واقعه‌ده سلام، تورموش اورتاغی و 4 باله‌سی اولدیریلگن. اونینگ ایتیشیچه، اوشبو واقعه بهسود تومنی‌نینگ سراچه علی‌خان قیشلاغیده یوز بیرگن.
رسمی‌لر تامانیدن بیریلگن معلومات و حجت‌لرگه کوره، عایله‌وی دشمن‌لیک و قره‌مه قرشی‌لیک بو واقعه‌گه سبب بولگن. اولرنینگ ایتیشیچه، واقعه یوز بیرگنیدن سونگ، قاتل قاچیب کیتگن و اونینگ قولگه آلیش اوچون سعی و حرکت باشلنگن.
محل یشاوچیلریدن بیری سلام‌وطندارگه صحبت بیریب واقعه‌نی تصدیق‌لگن، بیراق واقعه توغریسیده آرتیقچه معلومات بیرمه‌گن.
بوندن آلدین، نوراحمد آتلی بیرکیشی جلال‌آباد شهری‌نینگ 5 ناحیه‌سیده عایله‌وی زوره‌وانلیک باعث آته‌سی، آنه‌سی و تورموش اورتاغی‌نی اولدیرگن ایدی.
