جلال‌آباد شهریده قطار هجومچی‌لر بیر ساختمانی شرکت اوستیگه هجوم قیلگن‌لر.
ننگرهار حاکمی‌نی سوزلاوچیسی عطاالله خوگیانی‌نینگ سلام‌وطندارگه ایتیشیچه، بوگون "چهارشنبه" ایرته‌لب ساعت 9 اطرافیده قطار قوراللی هجومچی ننگرهار هوا قونالغه‌سی‌نینگ ییقینیده بولگن بیر ساختمانی شرکت اوستیگه هجوم قیلگن‌لر.
جناب خوگیانی گه کوره، هجومچی‌لردن ایکی ته‌سی یانیده بولگن پارتلش ماده‌نی بو شرکت‌نینگ کیریش ایشیگی برابریده پارتلتگن و باشقه بیر قطاری اوشبو شرکت بناسی‌ده کیرگن‌لر.
ننگرهار حاکمی‌نی سوزلاوچیسی‌نینگ کوپه‌یتیریشیچه، حاضرگه‌قدر «ام کیو» ساختمانی شرکت ایشلاوچی‌لریدن 3 ته‌سی هلاک ایتیلیب و باشقه 6 ته‌سی یره‌لنگن دیر.
جناب خوگیانی گه کوره، هجومچی‌لردن 2 ته‌سی هلاک ایتیلگن و امنیتی کوچلر و هجومچی‌لر آره‌سیده آتیشمه‌نینگ دوامی بار.
