ننگرهارده اکسیجن و نایتروجن ایشلب چیقاره‌دیگن بیر ایش‌خانه قوریلدی

ننگرهار ولایتی‌نینگ مرکزی جلال‌آباد شهریده اکسیجن و نایتروجن گازلری ایشلب چیقاره‌دیگن بیر ایش‌خانه فایده‌لنیش‌گه تاپشیریلدی.

مذکور ایش‌خانه‌نی باشلیغی نسیم‌الله درمان‌نینگ میدیاگه ایتیشیچه، بو ایش‌خانه 350 میلیون دالرگه قوریلگن و بو ایش‌خانه‌نی قوریش‌دن مقصد شرق زونی‌ده اکسیجن و نایتروجن گازلری ایشلب چیقاریش و اهالی‌نی ایش بیلن تأمین‌لش دیر.

بو ایش‌خانه 24 ساعت‌ده 520 بالون اکسیجن و نایتروجن گازلری ایشلب چیقاره‌دی.

جناب درمان‌نینگ ایتیشیچه، اوشبو ایش‌خانه‌ده 250 کیشی مستقیم و غیر مستقیم شکلده ایش قیله‌دی.

اکسیجن و نایتروجن گازلریدن کسل‌لرنی دارولش‌گه قوشیمچه تولیدی ایش‌خانه‌لر، تیمیرچیلیک و ایکینچیلیک ایشلری‌گه فایده‌لنه‌دی.