نمایندهلر مجلسی بوگون (دوشنبه) قوشمه کمیته عدلی و قضایی کمیسیوننینگ تکلیف قیلگن اعضالری اوچون آواز بیردیلر.
نمایندهلر مجلسی تامانیدن تکلیف ایتیلگن قدرتالله ذکی، صدیقاحمد عثمانی، ناجیه بابکرخیل، قادر زازی، عبیدالله بارکزی، حاجی صالحمحمدصالح، کبرا مصطفوی، حاجی هاشم مهدوی و محمد سرور عثمانی لر ایجابی رای آلیب کمیته اعضاسی صفتیده تعین بولگنلر.
سنا مجلسی اوتگن هفته فرمانگه اوزگریش کیریتیش بیلن تصدیق ایتگن ایدی. ایندی قوشمه کمیسیون موضوع اوستیده بحث قیله دی. سیلاولرگه اصلاحات کیریتیش فرمانی مشترک کمیسیون قرارینی کوتهدی.
مجلسنی باشقرگن نمایندهلر مجلسینینگ بیرینچی اورین باسری ظاقر قدیر، کمیته اعضالری کوپچیلیک آواز بیلن تصدیقلنگن لیکلرینی اعلان قیلدی.
بو نمایندهلر رویخطینی تیارلهگن عدلی و قضایی کمیسیوننینگ بیر قطار اعضالریگه کوره، رویخطگه آلینگنلرنینگ نامی آواز بیریمسدن آلدین اوزگرتیریلگن.
معصوم خاوری، بوگون اعلان ایتیلگن رویخط ساختهلشتیریلگن دیب، قه ییردن تیارگنلیگی معلوم ایمس دیدی.
بوگون مجلسنینگ ییغینی رویخطی ساخته لشتیریلگن لیگی توغریسیده نمایندهلر آوازی کوتاریلگندن سونگ ظاهر قدیر اعتراضلرنی تینگلهمسدن جلسه گه پایان بیرگن.